25 Prilli, Kryetari i PD emëron Koordinatorin e posaçëm për 12 qarqet

Kryetari i Partisë Demokratike Lulzim Basha ka emëruar Koordinator të posaçëm politik për 12 qarqet për zgjedhjet e vitit 2021, Ish-Ministrin e Drejtësisë, Eduard Halimin.

Lajmin e ka bërë të ditur vetë Ish-Ministri i Drejtësisë, Eduard Halimi, përmes rrjetit social Facebook duke e bërë të qartë se nuk do jetë deputet, por do ti shërbej familjes politike ndërsa përfundon:

Është koha të bashkohemi për ti shërbyer familjes sonë politike në këtë betejë!

Ndryshe, në shkurtin e vitit 2018 Eduard Halimi u largua nga politika aktive duke dorëzuar dhe mandatin e deputetit. 

Statusi i plotë:

Unë e pranova kërkesën e Lulzim Bashës për tu caktuar si “Koordinator i posaçëm politik i kryetarit të PDSH për 12 qarqet, në zgjedhjet e vitit 2021”

Kurrë nuk do hezitoja të ndihmoja mikun tim Lulzim Basha, ashtu si kurrë nuk kam hezituar të ndihmoj dhe si antar i thjeshtë familjen tonë politike, gjatë gjithë jetës sime.

Kur thiresh për të shërbyer, askush nuk ka të drejtë të mos pranojë ti shërbejë familjes politike.

Të shërbesh, për çdo antar të së djathtës politike, është detyrë, dhe nuk duhet lidhur kurrësesi me të qënit deputet. Unë nuk do jem deputet, por do ti shërbej familjes politike.

Është koha të bashkohemi për ti shërbyer familjes sonë politike në këtë betejë.