Pas Planit të fuqive të mëdha/ Hahn qetëson gjakërat në Serbi: Marrëveshjen do ta hartojnë Kosova dhe Serbia

Zgjidhja afatgjate për normalizimin e marrëdhënieve në mes të Kosovës dhe Serbisë nënkupton zgjidhje të qëndrueshme dhe reale e bazuar në të drejtën ndërkombëtare. Kështu shprehet Komisioneri për zgjerimin pranë BE, Johanes Hahn në një intervistë për Agjencinë serbe të lajmeve ”Tanjug”,  edhe pse Presidenti i Serbisë ka në tavolinë Planin e fuqive të mëdha të dorëzuar nga  Nd/sekretari amerikan i Shtetit  për Evropë dhe Evroazi, Wess Mitchell, dhe për shpalljen epavarësisë është shprehur Gjykata Ndërkombëtare e Drejtësisë, pikërisht pas kërkesës së shteti serb.

Por siç duket ky Plan ka trazuar ujërat në Serbi dhe si gjithmonë Brukseli dhe Komisioneri për zgjerimin ndërhyjnë për të qetësuar gjakërat.

Komisioneri Hahn për opinionin serb thekson se hapi i rradhës është ngritja e normalizimit në nivel gjithpërfshirës, e të dyja palët me ndihmën e Federica Mogherinit do të përcaktojnë përmbajtjen e Marrëveshjes së detyrueshme.

Hahn vlerëson se rrjedha e dialgout ka sjellë normalizimin e marrdhënieve Kosovë-Serbi.

“Presidentët Hashim Thaçi dhe Aleksandar Vuçiç, në korrikun e vitit 2017 përmes dialogut në të cilin ndërmjetëson Përfaqësuesja e lartë për Politikë të Jashtme dhe Siguri pranë BE, filloi punën në normalizimin gjithpërfshirës  të marrëdhënieve në formën  e marrëveshjes juridiko-obligative. Gjatë viteve dialogu normalizoi dukshëm marrëdhëniet në mes të Kosovës dhe Serbisë, e hapi i rradhës është që ky normalizim të kaloi në nivelin gjithpërfshirës. Palët duhet të përcaktojnë përmbajtjen e kësaj marrëveshje juridiko-obligative,” sqaron Johanes Han.

Shkëmbimi i territoreve

Hahn përsërit se nga normalizimi gjithpërfshirës dobi do të kenë si Serbia ashtu edhe Kosova, dhe se kjo do të jetë me interes jetësor për vazhdimin e rrugës së tyre evropiane.

Duke folur për shkëmbimin e territoreve, ai vlerësoi se nuk beson që palët në dialog dëshirojnë që në strategjinë e tyre negociuese të diskutohet përmes mediave. Ajo që BE pret, thekson ai, është që në kuadër të dialogut të zbatohet në tërësi marrëveshja për Asociacionin e Komunave Serbe. Marrëveshja parashikon që korniza e statutit të AKS, të hartohet për katër muaj, nga fillimi i punës së tij.

Kryeministri I Kosovës, Ramush Haradinaj i ka dhënë mandat Ekipit që të filloj punën më 4 Prill që do të thotë se deri më 4 Gusht duhet të përfundoj puna, thekson Komisioneri për zgjerim, i cili nuk dhënë marrpërgjigje se çfarë do të ndodhë nëse nuk rrespketohet ky afat.

Samit në Sofje

Kur është fjala për Samitin e BE i cili zhvillohet më 17 Maj në Sofje, komisioneri evropiane tha se ky do të jetë një përcaktim historik në marrëdhëniet BE-Ballkan Perëndimor ndërsa paralajmëroi prezantimin e një pakoje të madhe financiare nga ana e Komisionit Evropian gjatë këtij Samiti i cili do të mbështesë projektet më të rëndësishme në fushën e lidhjeve në Ballkanin Perëndimor, do të forcoj bashkëpunimin rajonal  dhe do të ndihmoj lidhjen edhe më të fortë të Ballkani Perëndimor me BE.

Përkundrë komenteve të shumëta se Samiti në Sofje nuk do të ofroj mbështetje direkte për zgjerimin e BE, si dhe buxheti i ri i BE deri në vitin 2017 nuk ka parashikuar para për anëtaret e reja të mundshme, komisioneri Hahn tha se zgjerimin ngelet çështje kyçe në marrëdhëniet e BE me Ballkanin Perëndimor  dhe kjo gjë reflektohet edhe në Strategjinë e zgjerimit dhe buxhetin e ri të BE.

“E para, rikonstruksioni i ri i propozouar i instrumentave diplomatic të BE fokusohet në prioritetet që përfshijnë edhe Ballkanin Perëndimor, dhe rritë fondet për këtë rajon. Njëkohësisht Neni 19 i buxhetit të propozuar, e bardha në të zezë thotë se do të ribëhet nëse vjen deri tek pranimi i anëtareve të reja. Kjo ka ndodhur edhe kur u pranua Kroacia në vitin 2013 në BE,” përfundoi komisioneri Hahn.