35 të vrarë gjatë varrimit të Qassem Soleimanit

Të paktën 35 njerëz humbën jetën dhe 50 mbetën të plagosur në turmën gjatë varrimit të komandantit ushtarak të Iranit, Qassem Soleimani, në qytetin Kerman. Deri tek incidenti erdhi pasi njerëzit nisën të shkelin njëri-tjetrin, raporton BBC.

Qindra mijëra njerëz vlerësohet të kenë dalë në rrugët e vendlindjes së Soleimanit, Kerman. Ata brohorisin “vdekje Amerikës” dhe “vdekje presidentit amerikan, Donald Trump”, raporton RFE.

Ndryshe, Soleimani u vra në një sulm me dron të Shteteve të Bashkuara më 3 janar. Vrasja e tij i ka ngritur tensionet midis Iranit dhe Shteteve të Bashkuara. Pas vrasjes, Irani ka kërcënuar se do të hakmerret ashpër.