4 Korriku, Berisha: Zoti i bekoftë SHBA-të, flamurin dhe lirinë e tyre!

Sot kombi i madh amerikan feston! Në urimin e tij për nder të 4 Korrikut, Ditës së Pavarësisë së Shteteve të Bashkuara, Kryetari i Partisë Demokratike, Sali Berisha, duke shprehur mirënjohje të pakufishme thekson se kjo është një ditë e bekuar për shqiptarët, pasi në të gjitha momentet tona kritike kemi patur fatin e madh të kemi në krahun tonë SHBA.

“Kombi i lirisë feston ditën e Pavarësisë, 247 vjetorin e Pavarësisë së tij. Ne këta 247 vite, kombi i madh amerikan shndërroi SHBA në vendin më te lirë, më të fuqishëm, më të zhvilluar dhe më të begatë të planetit dhe kontribuoi më shumë se çdo komb tjetër për lirinë e kombeve të tjerë të shtypur dhe pushtuar në mbarë botën,” shprehet Sali Berisha duke përfunduar:

“Zoti i bekoftë SHBA-të, flamurin dhe lirinë e tyre!”

Ndryshe, 4 korriku, i njohur edhe si Dita e Pavarësisë, është dita kur në vitin 1776 delegatët nga 13 kolonitë e Shteteve të Bashkuara miratuan Deklaratën e Pavarësisë, duke njoftuar shkëputjen nga Britania. Kjo ditë është festë federale në Shtetet e Bashkuara që nga viti 1941.

Urimi:

4 Korriku- dita e Pavarësisë së SHBA!

Miq, sot kombi i madh amerikan feston!

Kombi i lirisë feston ditën e Pavarësisë, 247 vjetorin e Pavarësisë së tij. Ne këta 247 vite, kombi i madh amerikan shndërroi SHBA në vendin më te lirë, më të fuqishëm, më të zhvilluar dhe më të begatë të planetit dhe kontribuoi më shumë se çdo komb tjetër për lirinë e kombeve të tjerë të shtypur dhe pushtuar në mbarë botën.

Për ne shqiptarët, një komb jetim me histori tejet të veshtirë, kjo është një ditë e bekuar pasi në të gjitha momentet tona kritike kemi patur fatin e madh të kemi në krahun tonë SHBA, të cilat kanë luajtur role përcaktues për lirinë e kombit tonë.

Duke shprehur mirënjohjen tonë të pakufishme le të urojmë nga zemra:

Zoti i bekoftë SHBA-të, flamurin dhe lirinë e tyre!