“500 mijë $ rus”, Gjekmarkaj: Fjala e Amerikës vlen njësoj për të gjithë!
Pas publikimit lajmit nga Zëri i Amerikës bazuar në raportin e shërbimeve inteligjente të SHBA, për infiltrimin rus në politikën e disa vendeve, dhe financimin e politikanëve në këto vende, ku përfshihet dhe financimi me 500 mijë dollarë të Ish-Kryetarit të Partisë Demokratike, Lulzim Basha, në zgjedhjet e vitit 2017, ka reaguar vetë Basha duke theksuar se drejtësia hodhi poshtë çdo pretendim për financime të huaja por mbështetësi i tij pa rezervë, Nënkryetari i Parlamentit, Agron Gjekmarkaj qatësoi Lulzim Bashën se çfarë është fjala e Amerikës.
“Partia Demokratike nuk ka marrë kurrë asnjë financim të huaj e aq më pak me burim rus. Kur pretendime të tilla u qarkulluan në disa media, Partia Demokratike i kërkoi zyrtarisht drejtësisë hetimin e këtyre akuzave dhe bashkëpunoi plotësisht me drejtësinë e cila hodhi poshtë çdo pretendim për financime të huaja,” thekson Ish-Kryetari i PD, Lulzim Basha, në reagimin e tij përmes rrjetit social Twitter duke shtuar:
“Ne jemi krenarë për partneritetin e palëkundur me aleatin tonë strategjik, SHBA dhe të vendosur të ecim përpara në krah të aleatëve tanë euro-atlantikë për konsolidimin e vlerave perëndimore dhe integrimin e Shqipërisë në Bashkimin Europian.”
Krenarë edhe mund të jetë Lulzim Basha kur e akuzojnë Shtetet e Bashkuara se ka marrë para nga rusët dhe këtë nuk ia ndalon njeri, por është mbështetësi i tij dhe Nënkryetari që kishte në krah kur SHBA e shpalli NON GRATA Sali Berishën dhe ai e përjashtoi nga Grupi Parlamentar pa pritur të flas drejtësia shqiptare, që sot i rikujton se çfarë do të thotë kur flet Amerika:
“Fjala e Amerikes vlen njesoj për të gjithë,” shprehet Agron Gjekmarkaj në reagimin e tij përmes rrjetit social Twitter duke i dhënë fund një herë e mirë edhe mashtrimeve të Lulzim Bashës me fondet ruse!
Ndërkohë edhe Partia Demokratike ka reaguar duke kërkuar rihapjen e menjëhershme të çështjes në fjalë, e cila, sipas PD, është mbyllur me ndërhyrjen e Edi Ramës tek gjyqtarët e korruptuar, sepse i duhej te shpëtonte pengun e tij të dobishëm për të shkatërruar Partinë Demokratike!
