5D vjedh Bashkinë Tiranë, Protesta e opozitës, Policia kundër qytetarëve dhe Këshilltarëve Bashkiakë

Edhe sot qytetarët protestuan para Bashkisë Tiranë pas skandalit që shpërthye me kompaninë 5D të njerëzve të Kryetarit Erion Veliaj, dhe ndonëse Policia e Shtetit u deklarua se kishte marrë të gjitha masat për mbarëvajtjen e protestës, rezultoi se masat ishin marrë kundër qytetarëve dhe të pëzgjedhurëve të tyre në Këshillin Bashkiak, që as sot nuk u lejuan të futen në Bashki!

Me këtë rast, Nënkryetari i Këshillit Bashkiak Tiranë, nga radhët e opozitës, Dorian Teliti, i ka bërë thirrje policisë që të lejohen që të hyjnë brenda institucionit, në këtë situatë absurdi ku kriminelët janë brenda, dhe qytetarët ngelen jashtë.

“Kjo nuk është polici e shtetit, por policia e pushtetit. Mbrojtët shembejen e teatit, apo dhe inceneratorin e Tiranës, gjëra që mund të ndodhin në vendet e botës së tretë.

Të zgjedhurit vendorë përballen sot me policinë, sikur të jemi ne kriminelët. Kriminelët janë brenda! Këto janë qytetarët. Pse nuk na lejoni që të futemi brenda,” tha Dorian Teliti.

Përveç zyrtarëve të opozitës, ishin dhe qytetarët që morën fjalën nga aktorët, mjekët, inxhinerët e deri te infermierët, duke shprehur revoltën për vjedhjet e lekëve që Kryetari i Bashkisë Tiranë, Erion Velia, po bënë me bashkëpunëtorëte tij, ndërsa u zotuan se deri në dorëheqjen e tij ata do të vazhdojnë të protestojnë.

Ndryshe, protesta e radhës e opozitës pritet të zhvillohet të martën e 30 prillit në orën 16:30, para Bashkisë Tiranë kur pritet të mbahet mbledhja e Këshillit Bashkiak.