7 korriku, Berisha: Fronti për Shpëtimin e Shqipërisë do të drejtojë protestën!

Me besimin se të gjitha partitë opozitare do ti bashkohen protestës së 7 Korrikut, Kryetari i Partisë Demokratike, Sali Berisha, u shpreh se atë do ta drejton Fronti për Shpëtimin e Shqipërinë.

Duke garantuar se kjo protestë thirret në 7 korrik në orën 19:00 në Tiranë, në kohën kur vendi ka tashmë opozitën e vërtetë dhe ka vetëm mbrojtje të intersave të qytetarëve ai saktësoi se nuk ka dyshim se roli i PD-së në organizimin e kësaj proteste është përcaktues.

“Protesta e 7 korrikut ka një rëndësi shumë të madhe jo si një protestë e PD-së, por si një protestë e mbarë qytetarëve shqiptarë. Nuk ka dyshim se roli i PD-së në organizimin e kësaj proteste është përcaktues, por PD shkon drejt kësaj proteste me një koalicion të gjerë me shoqërinë civile, personalitete publike dhe forca politike opozitare të vërteta parlamentare dhe jashtë parlamentare,” tha Sali Berisha duke folur dhe për problemin kryesor të shqiptarëve, çmimet stratosferike të bordeve komuniste të qeverisë së Edi Ramës.

“Nuk ka dyshim se problemi më kryesor është një lak në fytin e shqiptarëve që po shtrëngohet çdo ditë e më shumë nga çmimet stratosferike të bordeve komuniste të qeverisë së Edi Ramës. Unë mund tu them shqiptarëve se bordet për llogari të qeverisë dhe të oligarkëve janë shndërruar në një mekanizëm gjakpirës, të cilët rrisin çmimet jashtë çdo lloj logjike tregu. Dy ditë më parë fuçia e naftës në bursë ka qene 108 dollarë, nafta në treg ka qenë mbi 2.600 lekë. Një muaj më parë kur fuçia e naftës ishte 108 dollarë, çmimi i naftës në tregun shqiptar ishte 2240 lekë. Bordet janë bërë zëdhënëse të një shfrytëzimi të egër të  qytetarëve shqiptarë,”

Tani, tha Kryetari i PD, para nisjes së Kryesisë, qeveria i është vërsulur biznesit me paketën e re fiskale për ti falimentuar masivisht

“Vetëm nga tvsh e çmimeve të rritura qeveria ka përfituar 340 milionë euro. Jo vetëm që nuk ua ka kthyer qytetarëve të paktën gjysmën e tyre, por ka ulur me 2% ndihmën ekonomike të familjeve në nevojë. Kemi të bëjmë me një qeveri e cila nuk ka asnjë moral dhe që merr çdo vendim sikur ky popull nuk ushqehet, nuk vishet, nuk lëviz. Është vërsulur tani me paketën e re fiskale mbi bizneset për ti falimentuar ato masivisht.

Kemi të bëjmë me një gjendje dramatike, reale, për kafshatën e gojës së qytetarëve shqiptarë. Kurse këta vazhdojnë qeverisin pa asnjë preokupim. Pasi ka futur të gjitha pushtetet në xhep, Rama nuk komunikon me njerëzit, komunikon me qiellin. Çdo ditë dëgjon për vendime e ligje të pakonsultura me qytetarët, por vetëm me zyrat e PS-së, as me elektoratin as me anëtarësinë socialiste.”

I pashmangshëm ishte Samiti i BE-Ballkani Perëndimor dhe gjuha të cilën e përdori Kryeministri Edi Rama kundër vendit mik të shqiptarëve, Bullgarisë.

“Edi Rama përdori një gjuhë ordineri, gjuhë të cilën mund ta përdor Putin apo Lukashenko, ndaj udhëheqësve të BE-së, sepse të gjitha i ka porosi të Beogradit. Sulmoi Bullgarinë, një vend mik. Nuk e lidh asgjë sulmin e tij ndaj Bullgarisë me shqiptarët. Po gërshetohen të gjithë faktorët, të cilët e bëjnë këtë qeveri kryekëput çnjerëzore, një qeveri që nuk ia ndjen për qytetarët e vet. Kjo qeveri interesohet më shumë për interesat e Beogradit sepsa për qytetarët e Shqipërisë,” e përshkroi kështu Kryetari i PD, Sali Berisha, situatën në vendin tonë dhe marrëdhënien me fqinjët ndërsa konstatoi se është një klimë shumë positive te qytetarët për protestën e 7 Korrikut:

“Shoqëria civile është e gjitha në këmbë për të dhënë kontributin e saj. Protestën e drejton tani Fronti për Shpëtimin e Shqipërinë. Kam besim se të gjitha partitë opozitare do ti bashkohen protestës. Të gjithë drejtuesve u bie detyra të zbrisni në çdo grupseksion për të bërë mobilizimin maksimal për këtë protest,” tha Kryetari i PD duke përfunduar:

“Kjo protestë thirret në një kohë kur vendi ka tashmë opozitën e vërtetë. Nuk ka më as manipulime, dhe as gjë tjetër. Ka vetëm mbrojtje të intersave të qytetarëve.”