Bordi i Transparencës me çmime të reja për naftën dhe benzinën

Bordi i Transparencës sot ka ulur çmimin e naftës me 3 lekë dhe pa aq ka rritur çmimin e benzinës.

Kështu bazuar në vendimin e sotëm të Bordit, një litër naftë do të tregtohet me 255 lekë nga 258 lekë për litër sa ishte më parë ndërsa çmimi i benzinës është rritur me 3 lekë, duke arritur në 242 lekë për litër.

Çmimi i gazit mbetet i pandryshuar dhe do të vazhdoj të tregtohet me 83 lekë.

Këto çmime të caktuara nga Bordi i Transparencës do të hynë në fuqi sot datë 28 Qershor ora 18.00 p.m dhe do të jenë të vlefshme deri në mbledhjen e ardhshme të Bordit.

Njoftim:

Bordi i Transparencës në datë 28 Qershor 2022, në mbledhjen e radhës vendosi:

Çmimi i shitjes me pakicë i nënproduktit gasoil i standardit SSH EN 590 të  jetë 255 lekë/litri, ndërsa i shitjes me shumicë 243 lekë/litër.

Çmimi i shitjes me pakicë i nënproduktit benzinë e standardit SSH EN  të  jetë 242 lekë/litri, ndërsa i shitjes me shumicë 230 lekë/litër.

Çmimi i shitjes me pakicë i nënproduktit gaz, të jetë 83 lekë/litri me pakicë dhe i shitjes me shumicë 71 lekë/litër për automjetet.

( Shënim: çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).

Çmimet e caktuara nga Bordi do të hynë në fuqi sot datë 28 Qershor ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.