8 Janari/ Padi për Bashën dhe Bardhin, Komisioni i Rithemelimit të PD: Hodhën lëndë helmuese kundër protestuesve!

Komisioni i Rithemelimit te PD ka depozituar një kallëzim penal kundër deputetëve Lulzim Basha dhe Gazment Bardhi pas dhunës së ushtruar ndaj demokratëve në protestën e 8 Janarit në selinë e PD.

Lajmi është bërë i ditur nga vetë Komisioni i Rithemelimit PD.

Deputetët Lulzim Basha dhe Gazment Bardhi akuzohen nga Komisioni i Rithemelimit për Pengim në ushtrimin e të drejtës për t’u shprehur, grumbulluar apo manifestuar, Shkelje të rregullave mbi lëndët helmuese, Shkatërrim prone dhe Dëmtime tjera me dashje.

Ndryshe, pas protestës së 8 Janarit ku mbetën të lënduar dhe u hospitalizuan 12 persona ndërsa qindëra të tjerë përfunduan me vështirësi në frymëmarrje pranë lumit Lana, u arrestuan 35 persona por që të gjithë gjykata i liroi.