8 vjet vuajtje dhe mjerim me Edi Ramën, Basha: Ne do të sjellim një të ardhme më të mirë për Shqipërinë!

Në Shqipërinë e qeverisur nga Edi Rama ku jetesa është gjithnjë e më e vështirë, ku prindi nuk ka mundësi ti blejë fëmijëve as librat për shkollë, vendi nuk është pa të ardhme. Këtë e garanton Kryetari i Partisë Demokratike, Lulzim Basha, sot kur ka ardhur koha për ndryshim dhe Rama duhet të largohet.

“Pas 8 viteve të dështimit të Ramës, pasi kostoja e jetesës është rritur dita-ditës, ka ardhur koha për ndryshim. Rama duhet të largohet, dhe ne do të sjellim një të ardhme më të mirë për Shqipërinë,” thekson Lulzim Basha në reagimin e tij përmes rrjetit social Facebook duke sjellë dhe dëshminë e njërit nga mijëra prindër shqiptar që sot pas 8 viteve të qeverisjes së Edi Ramës nuk shohin asgjë përveç se dështimit.

“Nuk kisha mundësi t’i blija librat e shkollës. I kërkova, i gjeta diku në vend tjetër dhe ia bleva pas 3-4 ditëve. Ishin trembur se të gjithë i kishin blerë, këto akoma, ose fletore, ose ndonjë laps. Më shumë i kam marrë dhe me listë dhe i paguaj çdo fund muaji dhe pothuajse po kështu vazhdoj!”