Tiranë, aty ku Edi Rama qanë e qesh me vota të pavlefshme

Votat e pavlefshme ndonëse u bënë makth për Edi Ramën vetëm 10 vjet më parë duke i shkaktuar humbjen në Tiranë sot këto vota, ashtu siç u paralajmërua me dekretin e idesë djallëzore të Kryeministrit Rama nga Kolegji Zgjedhor për Fletën e Votimit, mund ta vendosin fituesin si në kryeqytet dhe pse jo në Shqipëri.

Në Qarkun Tiranë nga 643 prej 1243 Qendrave të Votimit që janë numëruar, PS kryeson me 49.01 për qind, PD ka 38.73 për qind dhe LSI 5.87 për qind. Ndërkohë Tom Doshi arriti të marrë plotë 3.02 për qind.

Në Bashkinë Tiranë ku janë numëruar gjysma e votave, PS me patronazhistët e saj ka marrë 50.46 për qind, PD renditet e dyta me 36.81 për qind ndërsa LSI 6.09 për qind.

Kamza gjithashtu mund të quhet një dështimi Edi Ramës ku megjithë angazhimit të tij aktualisht PD është në epërsi me 49.4 për qind ndaj PS e cila ka 38.61 për qind. LSI mori vetëm 5.75 për qind.

Ndërkohë fushata e Edi Ramës me tërmet dhe rindërtim dha rezultat në Vorë ku mori 61.71 për qind të votave. Si mund të komentohet rezultati i 30.75 për qind për momentin për PD nga 24 Qendrat e Votimit që janë numëruar nga 44 Qendra të Votimit por gjithsesi zelli qytetar për të përfituar një herë në 4 vjet kur Kryeministrit Rama i duhet vota, ngelet problem shqiptar dhe jo socialist.

Ndërsa Rrogozhina e cila po vëzhgohet me kujdes ndonëse 50.45 për qind kanë votuar për Partinë Socialiste kur janë numëruar më shumë se gjysma e votave, PD ka 37.33 për qind.

Dhe në fund Kavaja ndonëse si Opozitë e Bashkuar me 48.81 për qind e lë Edi Ramën në opozitë, Partia Socialiste aktualisht ka 47.15 për qind.

Mëngjesi ishte shpresdhën për të gjitha palët në Tiranë. Ashtu siç ishte paralajmëruar nga Kryetari i KQZ, Ilirian Celibashi, pak pas orës 8:00 të mëngjesit u shpall rezultati paraprak për ZAZ 40, ku u implementua me sukses projekti pilot i votimit dhe numërimit elektronik. Rezultati përfundimtar në Njësinë 10 në Tiranë u konsiderua sukses i madh për shkak të rritjes së madhe që shënoi, ndërkohë PS dhe Lali Eri edhe pse u mburrën me këtë rezultat kanë një rëniei në këtë fole komunistësh:

Kështu PS mori 6007 vota, PD 4550 dhe LSI 628.

Pas publikimit të këtij rezultati Jorida Tabaku reagoi në emër të Partisë Demokratike duke theksuar se rezultatet që erdhën nga dega 10 në Tiranë janë të jashtëzakonshme, dhe PD është rritur me 30 për qind.

Unë dua të falënderoj të gjithë qytetarët e Shqipërisë e veçanërisht ata të Tiranës që dje morën pjesë masivisht në zgjedhje dhe Tirana në fakt po i prin ndryshimit. Rezultatet që erdhën nga dega 10 në Tiranë me votimin elektronik janë të jashtëzakonshme. Partia Demokratike është rritur me 30%, ka një rritje me 1200 vota ndërkohë që Partia Socialiste ka rënë me 200 vota. Unë ftoj të gjithë numëruesit, të gjithë vëzhguesit të vazhdojnë të numërojnë me vendosshmëri. Rezultatet në çdo kuti votimi tregojnë pikërisht këtë trend, Tirana po i prin ndryshimit, Tirana do të vazhdojë të ketë një ditë me diell si ajo e djeshmja dhe unë i ftoj që të gjithë që të vazhdojmë të numërojmë, të vazhdojmë të ndryshojmë sepse e ardhmja për Tiranën do të jetë më e mirë,” tha Tabaku duke përfunduar:

“Shqipëria po fiton, Shqipëria po fiton. Ju faleminderit! Unë mund t’ju përgjigjem të gjitha pyetjeve që ju doni, por besoj se njësia 10 është rezultati më i mirë i pasqyrës se si do të jetë Tirana. Rënie për Partinë Socialiste me 200 vota dhe rritje për Partinë Demokratike me 1200 vota, rritje 30%. Besoj se me qetësi të gjithë do të kemi edhe rezultatet e tjera në vazhdim.”

Ndërkohë Drejtuesi politik i PS në Qarkun e Tiranës, Erion Veliaj,u kujdes për propagandën dhe shpalljen e fitores edhe aty ku nuk e dinë as patronazhistët e saj. Kështu bëri me Njësinë 12 në kryeqytet, ku shpalli fitoren dhe PD reagoi menjëherë duke thënë se gënjen:

“Super rezultat tek Njësia 12, duke thyer rekord për Partinë Socialiste e duke fituar 55% te zona e Freskut. Falenderoj me zemër të gjithë ata që na kanë dhënë kaq shumë besim e mbështetje. E kemi lexuar me shumë kujdes edhe mesazhin që na ka dhënë pjesa tjetër e cila pret më shumë. Ne do u shërbejmë edhe atyre që na kanë votuar edhe pjesës tjetër që mendon ndryshe dhe që pret më shumë nga ne.”

“Janë 3650 vota për Partinë Socialiste, vetëm gjysma e tyre për Partinë Demokratike dhe vetëm 500 për LSI,” tha Felaj.
Veliaj i bëri thirrje Partisë Demokratike të vijojë me procesin e numërimit, sidomos në ato KZAZ ku komisionerët e opozitës kanë shumicën, ku ka dhe më shumë probleme. “Do doja të kishte një reflektim nga PD. Duhen dy palë për të numëruar votat. Ligji thotë që nëse dikush ka nevojë të pushojë mund të zëvendësohet. Është shumë e rëndësishme që ne te kthehemi në punë dhe dua që kjo të ndodhë për gjithë kolegët,” u shpreh Veliaj derisa kandidatja për deputete e kësaj njësie, Emornela Felaj, falënderoi komisionerët dhe elektoratin për arritjen e kësaj fitoreje.

“Përshëndetje, faleminderit të gjithëve, njësia 12 ka bërë një skuadër maksimale. Janë 3650 vota për PS dhe vetëm gjysma e tyre për PD dhe vetëm 500 për LSI. Ka qenë punë e jashtëzakonshme, për të cilët Erioni i detyrohet shumë edhe më pas, pa diskutim puna e komisionerëve, që kanë punuar pa pushim. I falenderoj nga zemra për përkushtimin, i gjithë ky trend dhe votë e konsoliduar të jetë kështu në të gjithë Shqipërinë,” u shpreh Felaj.

Duke falënderuar të gjithë qytetarët e Shqipërisë që zgjodhën ndryshimin, Oriola Pampuri nga KZAZ e Njësisë 12 tha se Aleanca për Ndryshim arriti një fitore të madhe në zgjedhje ndërsa akzuoi Erion Veliajn se po gënjen dhe mashtron.

“Të gjithë do ta shohim fitoren tonë kur numërimi të përfundojë. Erion Veliaj si çdo herë gënjen dhe mashtron. Procesi I numërimit në Degën 12 dhe Degën 14 vijon ende. Ai shpall rezultatin në përpjekje për të fshehur humbjen në këtë zonë. Në Degën 14 Partia Demokratike ka dyfishuar rezultatin në Qesarak, ndërsa në Degën 12 Partia Demokratike ka arritur rreth 25% më shumë të votave në Bërzhit ndryshe nga ajo që deklaron Erion Veliaj. Ne e shohim këtë trend kudo në Shqipëri prandaj konkluzioni është i qartë, një fitore e madhe për Aleancën për Ndryshim, një fitore historike për Shqipërinë.”

Drejtuesi politik i Partisë Demokratike për Bashkinë Kamzë, Flamur Noka, duke paralajmëruar një fitore të thellë të PD dhe Aleancës për Ndryshim, pasi do të numërohen 5 qendra që janë bastione blu.

ʺJanë numëruar 28 qendra dhe shumica e tyre kane qenë bastione, PD dhe Aleanca për Ndryshim janë në avantazh të konsiderueshëm. Tashmë deri në në fund të proçesit do të ketë thellim të avatazhit, çdo qendër është bastion i PD. Gjithashtu në Paskuqan janë edhe 5 qendra pa numëruar,” tha Flamur Noka duke përfunduar:

“PD po korr një fitore të thellë dhe historike. Jemi në shifrat që nuk janë rregjistruar ndonjëherë në këto vite. Shqiptarët kanë bërë zgedhjen e duhur, çdo votë do të numërohet. Zëri i qytetarit do të dëgjohet, vetëm duhet durim.ʺ

Në fund, pas denoncimit të Lëvizjes Vetëvendosje me zë dhe figurë “prodhimin” e fletave të pavlefshme votimit dhe zbulimit të misionit parësor të patronazhistëve, për të gjitha partitë socialiste me përjashtim të atyre “Anti-LUL”, fletat e pavlefshme janë një fakt real që mund të përmbysin jo vetëm sondazhet dhe exit-pollet por dhe rezultatin përfundimtar!

A mund ti kthejnë buzëqeshjen Edi Ramës fletët e pavlefshme të votimit që i kishin ngrirë në vitin 2011 në Tiranë, kjo nuk varet as nga Kryeministri Rama dhe as nga patronazhistët e tijë!