“Zbutja” e Edi Ramës, Komisioneri Varhelyi zbulon arsyen dhe kushtin për negociatat!

Mirësjellja e Edi Ramës pasi masakroi zgjedhjet e 25 Prillit ishte e habitshme dje për opinionin e gjërë pasi ai refuzoi ti përgjigjet Kryetarit të PD, Lulzim Basha, duke i shtrirë dorën e pajtimit, por “habia” mori sot përgjigje nga Komisioneri për Zgjerimin pranë BE, Oliver Varhelyi, sot në Tiranë kur ai erdhi për të sjellë vaksinat Pfizer dhuratë nga Bashkimi Europian.

Edi Rama mund ta ndërroj si qimen ashtu dhe zakonin, mund ti vaksinoj edhe qentë e macet në tokën shqiptare, ti lejoj më në fund edhe Lulzim Bashës të dal në ballkon pa u komentuar nga Kryeministri, por sot Komisioneri Varhelyi e bëri të qartë se Shqipëria pa një parlament të ri të plotë nuk ka për të ecur drejt BE. Pra, pa opozitën, milionat e hedhur të eurove për tendera dhe blerje votash i ka kot.

“Sa i përket rezultatit, e kam ndjekur nga afër, çka thënë OSBE. Mendoj se pas një fushate mjaft të zjarrtë, na nevojiten rezultate të qarta përfundimtare. Ka filluar procesi apo apelimi, duam të shohim të gjitha parregullistë apo blerjen e mundshme të votave, të ndiqet nga autoritetet gjyqësore, pas këtij procesi na duhen rezultatit. Pas tij na duhet që Kuvendi i Shqipërisë të fillojë nga puna edhe shumë shpejt për Reformat e BE. Pa një parlament të plotë nuk ecni dot drejt rrugëtimit të BE. Ka ende mjaft punë për të bërë,” tha Komisioneri për Zgjerimin Varhelyi duke përfunduar:

“Shumë më e vërtetë. Nëse do ishte një marrëveshje për Konferencën e Parë. Nëse do të ndodhë, puna jo vetëm duhet të vazhdojë, por duhet përshpejtuar, jo vetëm nga qeveria po dhe kuvendi i ri. Duhet të tregojmë me punën tonë, presim rezultatin e procesit të apelimit. Presim që Shqipëria të ecë përpara.”

Nëse kishte në Rinas, fshat, pistë ose aeroport, dikush që i besonte Kryeministrit Edi Rama pak rëndësi ka meqë Komisioneri për zgjerimin pranë BE, Oliver Varhelyi, tha se po pret përbërjen e re parlamentare pavarësisht se “Rama i zbutur” përsëriti mesazhin e 4 Majit:

“Vullnet im është që mandati i tretë të mos i ngjajë dy të parëve, në aspektin e luftës së brendshme politike. PS do ta braktisë llogoren e asaj lufte të vjetër bajate, banale, krejt të panevojshme për vendin, dhe për sa më takon e na takon, ne do të fokusohemi plotësisht te punët e mëdha, për të cilat jemi votuar. Do ta mbajmë dorën të shtrirë pa asnjë ndërprerje për opozitën, për PD. PD është e mirëpritur kurdo qoftë e sido qoftë të kthehet me këmbë në tokë për të hapur një proces diskutimi krejtësisht pa asnjë kusht për mënyrën si mund të kontribuojmë bashkërisht për të shtyrë sa më shumë përpara punët dhe patjetër edhe integrimin europian të Shqipërisë.

Nuk kam asgjë tjetër për të shtuar në këtë aspekt, dhe me ndihmën tuaj besoj se do të jem edhe unë në gjendje të qëndroj larg nga polemikat e kota, të lodhshme, të vjetra, midis partive për partitë dhe me partitë. Shqipëria është në një moment me kaq shumë potencial për të kaluar në një nivel tjetër. Mandatin e kemi marrë që ta ngjisim atë në majën ku e meriton. Të gjitha energjitë dhe koha ime si shumicë do të jetë në këtë drejtim.”

Nërkohë Komisioneri Varhelyi në Aeroportin e Rinasit duke folur për arsyen madhore që kishte ardhë, pandeminë COVID-19, tha se në Shqipëri falë Bashkimit Evropian dhe ndihmës së shtetit austriak, kanë mbërritur 145 mijë vaksina Pfizer, fakt të cilin e ka heshtur qeveria dhe ministrja e shëndetësisë në Facebook.

“Jam i kënaqur që kemi arritur në fundin e këtij procesi që më ka sjellë këtu me vaksinat. Nuk ka qenë e lehtë, por mendoj që po vijmë këtu në momentin e duhur, në një moment kyç, në një moment kur duhet të dalim nga kjo pandemi dhe dalja nga pandemia është gjë e mirë nëse promovojmë vaksinat dhe i shpërndajnë ato. Për ne është prioritet që fqinjët tanë të kenë vaksinat dhe të bëhet vaksinimi.

Shpresojmë që me këto vaksina të siguroni grupet më të cënueshme. Shqipëria do të marrë 145 mijë doza të Pfizer, jo vetëm që po i sjell BE, janë 100% të financuara nga BE. Këto janë dhurim, janë një dhuratë për ju nga ana jonë. Për t’ju treguar që ju keni rëndësi për ne. Një gjë që dua ta bëj të qartë, është që nuk do ta bënim këtë gjë pa qeverinë austriake, të cilët kanë qenë shumë të rëndësishëm për këtë gjë.

Ata kanë bërë të pamundurën që të bëhet realitet. Pa koordinimin e tyre asgjë s’do të bëhej. Ky lloj bashkëpunimi tregon vlerën e Evropës dhe është një dëshmi në atë që do të bëjë Evropa nëse bëhet bashkë. Ne e kemi ndihmuar Shqipërinë që në fillimin e pandemisë,” tha Komisioneri për Zgjerimin pranë BE, Oliver Varhelyi, duke përfunduar:

“Në momente të caktuara me maska, ambulanca, njësi të reaminacionin, përmirësimin e spitaleve dhe ndihma për buxhetin e shtetit. Ne jemi të interesuar tek siguria dhe shëndeti i fortë i qytetarëve shqiptarë,” u shpreh Varhelyi duke zëvendësuar Manastrliun në Rinas meqë ajo heshtë për donacionet.”

Me këtë rast Kryeministri Edi Rama bëri të ditur se Shqipëria nuk do të kërkojë pasaporta vaksinimi për këdo që kërkon të vijë për të kaluar pushimet gjatë sezonit turistik.

“Shqipëria nuk do vendosë asnjë kusht e asnjë pengesë. Kushdo të vijë në Shqipëri për një sezon turistik, që duhet të jetë shumë më i lehtë se i shkuari dhe me shumë kënaqësi po ndjek të gjithë procesin e prenotimeve dhe kërkesave që rriten nga vende të tjera për të ardhur në Shqipëri. Jemi sot në një pozicion të admirueshëm nga pikëpamja epidemiologjike, do vijojmë me ritëm vaksinimin. Objektivi është 1 mln. Puna vijon që Shqipëria të buzëqeshë e çliruar nga ky makth e kapaciteti i saj kryesor që ka të bëjë me turizmin të përdoret sa më shumë këtë vit e në vitet në vijim.”