Merr fund makthi “Long March 5B”, raketa kineze bie në Oqeanin Indian

Mbetjet e raketës kineze “Long March 5B” nuk paraqesin më rrezik për njerëzit në tokë, rënia e saj përfundoj në Oqeanin Indian.

Pjesët e raketës “Long March 5B” u futën në atmosferë në orën 10:24, sipas orës lokale, raporton Agjencia e lajmeve Reuters duke ju referuar mediave shtetërore kineze.

Vendi i rënies së mbetjes së raketës është në Oqeanin Indian, në jugperëndim të Indisë dhe Sri Lankes, ka bërë të ditur Agjencia kineze e Hapësirës

Sidoqoftë, pjesa më e madhe e raketës së gjatë 108 metra dhe me peshë rreth 22 ton, u dogj gjatë hyrjes në atmosferë, tha Zyra e Inxhinierisë Hapësinore në Kinë, raporton CNN.

Kështu përfundon dhe drama “Long March 5B” e cila filloi më 29 Prill kur raketa kineze shpenzoi karburantin dhe filloi lëvizjen e pakontrolluar në hapësirë deri sa e tërhoqi graviteti drejt Tokës.

Ndryshe, Agjencia Evropiane e Hapësirës parashikoi një “zonë rreziku” që përfshinte jugun e New Yorkut, gjithë Afrikën dhe Australinë, pjesë të Azisë, jugun e Japonisë, Spanjën, Portugalinë, Italinë dhe Greqinë, gjë që ka shkaktuar panik ndër banorët e shteteve evropiane, madje Mbrojtja Civile e Italisë kishte alarmuar dhjetë rajone ku mendohej se raketa kineze mund të rrëzohet.