Drejtuesit e FRPD në Gjermani/ Trafiku i drogës dhe korrupsioni, ja pse dështoi hapja e negociatave

Drejtues të FRPD po zhvillojnë një vizitë zyrtare në Berlin. Axhenda e tyre nisi me takime me drejtues të Konrad Adenauer Stiftung dhe me bashkëbisedimin e me Florian C Feyerabend, Drejtori për Europën Juglindore pranë fondacionit KAS.

Sipas kreut të FRPD, Belid Këlliçi, mësohet se “zhvillimet politike në Shqipëri, sfidat me të cilat përballet rinia duke nisur nga situata ekonomike, arsimi e deri tek emigrimi, organizimi i Akademisë Politike të FRPD, si dhe ikja e trurit nga Shqipëria, ishin temat në qendër të bashkëbisedimit”.

Ndërkohë sot delegecioni i të rinjëve të PD është takuar me Philip Müller, sekretar i pergjithshem i Junge Union, forumit rinor te kristian demokrateve të CDU dhe gjithashtu forumi rinor me anëtarësinë me të madhe në Europë.

Lajmin e bën publik kreu i FRPD Këlliçi në një njoftim në rrjetin social facebook:

Kënaqësi sot të takonim mikun tonë Philip Müller, Sekretar i Përgjithshëm i Junge Union, forumit rinor të kristian demokratëve të CDU dhe gjithashtu forumi rinor me anëtarësinë më të madhe në Europë.

Bashkëpunimi i mëtejshëm dhe forcimi i marrëdhënieve midis FRPD dhe Ju, si dhe dështimi i qeverisë shqiptare për hapjen e negociatave me BE, për shkak të problemeve të theksuara me korrupsionin dhe trafikun e drogës, ishin fokusi kryesor i bisedës tonë. Gjithashtu ndaluam edhe tek çështjet e papunësisë masive mes të rinjve dhe largimit të trurit nga Shqipëria për shkak të humbjes së shpresës.

Më pas vijuam bisedimet sëbashku me përfaqësues të tjerë të Junge Union dhe politikanë rajonale si Tim Christopher Zeelen Mda, Dr. Adrian Haak dhe Hannah Niemeyer.