Kufiri detar / Kotzias-Bushati, negociata intensive në Rodos, ja si do ndryshojë qëndrim Meta…

Ministri i Jashtëm grek Nikos Kotzias dhe homologu shqiptar Ditmir Bushati vijojnë negociatat intensive në Rodos për përmbylljen e marrëveshjes mes dy vendeve, përfshi edhe atë të kufirit detar.

Të paktën kjo raportohet nga mediat greke, sipas të cilave në Rodos, Kotzias dhe Bushati po vazhdojnë edhe sot me ritme intensive përpjekjet për të mbyllur marrëveshjen, me qëllim që pastaj të ndërmarrin hapin përfundimtar dy kryeministrat, Tsipras e Rama.

Mediat greke shkruajnë se marrëveshja e pritshme mund të përballet me refuzimin e Presidentit Ilir Meta, por shtojnë se aim und të ndryshojë qëndrim dhe të japë autorizimin për paktin, për shkak të presionit ndërkombëtar.

Një ditë më parë mediat greke njoftuar për arritjen e marrëveshjes, ndërsa paralajmëronin se ajo do të nënshkruhet në datat 28-29 qershor nga Kryeministrat Edi Rama dhe Alexis Tsipras, gjatë Samitit të BE-së në Bruksel.