FOTO/ A është ende në detyrën e ministrit të Brendshëm Sajmir Tahiri?

Prej më shumë se 1 viti nuk është më ministër i Brendshëm, por duket se në godinat e policisë së shtetit, Sajmir tahiri vijon të trajtohet me funksionin që ka pasur për më shumë se 3 vjet.

Disa foto të bëra në drejtorite lokale të policisë tregojnë se mesazhi sensibilizues i Tahirit kur mori detyrën drejtuar qytetarëve vazhdon të qëndrojë në këto godina, në sytë e tyre pothuajse çdo ditë.

Nëse do të ishte thjesht një mesazh nuk kishte asgjë të keqe, por përmes tij ftohen qytetarët të denoncojnë fenomenet e ndryshme në rradhët e policisë.

Edhe për këtë nuk ka asgjë të keqe, nëse pak më poshtë nuk do të ishte numri i telefonit, që korrespondon me atë të ish-ministrit të Brendshëm.

Në mesazh thuhet se qytetarët mund të çojnë sms në numrin personal të ministrit, i cili sot nuk ëhstë më në detyrë, ndërkohë që mesazhi në formën e banderolës, vijon të qëndrojë i varur përballë çdo qytetari që mund të vizitojë godinat e policisë.

Ndoshta askusjt si ka vajtur mendja në një detaj të tillë, dhe ndoshta ky detaj mund të ketë krijuar shqetësime të posejduesi i numrit.

Fotot e mëposhtme flasin më mirë…