VIDEO/ Rama pritet me protesta në Sarandë, qëllohet me midhje…

Një grup qytetarësh, kryesisht të rinj, e kanë pritur me protesta, Kryeministrin Edi Rama në turin e tij në Sarandë, Delvinë dhe Finiq, në kuadër të asaj që ai e quan si “llogaridhënia publike”.

Të ndalur tek ura e Gajdarit, ata e kanë sulmuar makinën e kreut të qeverisë që kishte ardhur “t’u jepte llogari”, me midhje, produkt i zonës së tyre.

Gjithashtu një pankartë është shpalosur buzë rrugës përcillte mesazhin: “Qeveri e drogës dhe e korrupsionit. Rama ik! Largohu!”

Forcat e Policisë kishin rrethuar protestuesit, për të mos lejuar pengimin e eskortës qeveritare.