Edhe pse ka prova, KAS shtyn për nesër vendimin për Gjirokastrën dhe Beratin
Përkundër provave për Qarkun Gjirokastër dhe Berat që u publikuan nga Përfaqësuesi i PD në KAS, Marash Logu, dhe ku konfirmohet vetëm në 2 prova votimi i 35 personave 131 herë, Komisioni i Ankimimeve dhe Sanksioneve nuk ka marrë vendim duke shtyrë seancën për nesër në orën 9:00, shqyrtimin e kërkesave ankimore për Qarkun Gjirokastër dhe Berat.
Aëtari i KAS, Ledio Braho, tha se palëve do i lihet kohë edhe për Qarkun Berat, pasi shqyrtimi do të vijoj pasi të mbarohet Qarku Gjirokastër.
“KAS i konsultuar pezullon dhe shtyn seancën për kërkesat ankimore në këtë gjykim administrativ për nesër në orën 09:00. Në lidhje me seancën që është caktuar për Beratin, duke ditur që palët e këtij procesi janë dhe të Beratit, i ndihmon edhe palët për provat që u nxorën dje, kështu që seancën për Gjirokastrën e shtyjmë për nesër datë 19 maj, ndërkohë që për Beratin jemi direkt me Gjirokastrën, vijojmë me Beratin,” tha Braho duke paralajmëruar vijimin e seancës s kërkesave ankimore për Qarkun Vlorë.
Ndryshe, akuzat më të forta për votim të dyfishtë ndonëse u faktuan sot i mohoi në seancën e KAS, Përfaqësuesi i PS, Eridian Salianji, i cili tha se ka zero shanse të ketë ndodhur, ndërsa për defektet teknike u shpreh se duhet të përgjigjen personat përgjegjës.
Ndërkohë Ivi Kaso i PD tha se provat tashmë janë të qarta dhe i mbetet në dorë KAS të vendosë nëse paligjshmëria shkakton pavlefshmëri dhe a duhet përsëritur procesi ose jo.
Ishte dhe anëtari i KAS, Ledio Braho, i cili ka kërkuar nga KQZ të fillojë procedimin nëse nuk e ka nisur ende për votimin e dyfishtë, për komisionerët dhe administratën zgjedhore.
Pas vendimit për shtyrjen e seancës për Gjirokastrës për nesër, KAS vazhdoi seancës për Qarkun Vlorë ku kërkohet pavlefshmëria e zgjedhjeve nga PD dhe LSI.
