Lehtësimi i masave Anticovid në Kosovë, orë policore dhe maska s’ka, gastronomia…

Qeveria e Kosovës ka miratuar vendimin për lehtësimin e masave Anticovid. Kështu, orari i kufizimit të lëvizjes hiqet plotësisht, restorantet do të punojë deri në orën 23, maskat nuk do të mbahen në ambiente të hapura ndërsa nuk lejohet grumbullimi i më shumë se 10 personave në hapësira të brendshme dhe të jashtme.

Para miratimit të këtij Vendimi, ministri i Shëndetësisë, Arben Vitia, u shprehë para Qeverisë së Kosovës:

“Sipas raportit të IKSHPK-së situatat epidemiologjike në Kosovë paraqitet e qëndrueshme me vazhdimin e uljes së rasteve pozitive, duke shënuar rënie. Qeveria cakton masa më të lehtësuara. Masat kryesore do të jenë si në vijim: Kufizimi i qarkullimit do të hiqet, megjithatë nga ora 00:00 deri në ora 05:00 nuk lejohet grumbullimi i më shumë se 10 personave në hapësira të brendshme dhe të jashtme. Zgjatja e orarit të punës së gastronomisë do të jetë deri në orën 23:00. Lejimin e lëvizjes pa maska të qytetarëve gjatë ecjes kur ata janë vet dhe në ambientet e jashtme.” 

Këto masa hyjnë në fuqi nga dita e hënë, 31 maj.

Në një dalje publike Ministri i Shëndetësisë Arben Vitia, tha se bazuar në raportimin e rregullt nga IKSHPK, ku situata është përmisuar ndjeshëm, Qeveria ka vendosur heqjen e orës policore, zgjatjen për gastronomi deri orën 23, dhe nga 15 qershori do të lejohen edhe mbajtja e ahengjeve nëse vazhdon të bie numri i të infektuarve. 

“Situata e përmisuar ka rezultuar edhe me rënien e rasteve. Në spitalet e Kosovës kemi 160 të hositalizuar, Kjo rënie e rasteve u jep frymëmarrje shërbimeve klinike pas ballafaqimit të gjatë me Covid. Kjo ulje e rasteve është rezultat i bashkëpunimit me qytetarë. Vaksinimi kundër Covid-19 është prioritet i ynë. Angazhimi për të siguruar vaksina ka synim përmbylljen e fazës së parë. Mbrëmë kemi pranuar 100 mijë doza të vaksinës që nga arritja e 24 mijë dozave të para”, tha Vitia duke shtuar se procesi i vaksinimit është i domosdoshëm për tu kthyer në normalitet.

“Janë thjeshtësuar edhe procedurat për vaksnim që u mundëson qytetarëve të kryjenë aplikimin. Kjo do të thotë që gjithë vaksnimi do të shkojë më shpejtë. Tani kemi finalizuar rmarrëveshjen për kompaninë Pfizer për doza shtesë të vaksinave ku deri në fund të vitit 60% do të vaksinohen.”