Holanda kundër liberalizimit të vizave për Kosovën, ja arsyet…

Zëdhënësja e ministrisë së Punëve të Jashtme të Holandës, Bo de Koning, tha se shteti i saj është kundër liberalizimit të vizave për qyetarët e Kosovës pasi konkluzionet për luftimin e korrupsionit dhe krimit të organizuar në nivelin e lartë nuk ishin mjaft bindëse

“Deri më tani, në Këshill ka përkrahje të pamjaftueshme për liberalizimin e vizave për Kosovën. Siç e dini, liberalizimi i vizave është një proces teknik, i cili drejtohet nga standardet që duhet t’i përmbushë një vend në mënyrë të qëndrueshme, para se Këshilli të marrë vendim për heqjen e vizave. Kur Komisioni Evropian së fundi raportoi për këtë çështje, shteti i Holandës arriti në përfundim se konkluzionet për luftimin e korrupsionit dhe krimit të organizuar në nivelin e lartë nuk ishin mjaft bindëse,” tha Zëdhënësja e ministris holandeze të Punëve të Jashtme për KosovaPress duke shtuar se Holanda është e gatshme ta ndihmojë Republikën e Kosovës rreth procesit të liberalizimit të vizave nëse mposhten këto dukuri negative.