Shtetasit e BE-së kanë 28 ditë afat për të aplikuar për qëndrim në Britani
Qeveria britanike ka bërë të ditur se qytetarët e Bashkimit Evropian kanë afat 28 ditë për aplikuar për leje qëndrimi në Britaninë e Madhe ndëra konfirmohet se janë mbi 5.6 milionë qytetarë të Zonës Ekonomike Evropiane që kanë aplikuar për leje qëndrimi.
Aktualisht janë rreth 400.000 raste tjera ende të pazgjidhura dhe linja qeveritare për ofrim të ndihmës është duke pranuar mijëra thirrje në ditë.
Çështja e rregullimit të statusit për banorët e BE-së në Britani, ka nisur pas referendumit për largim të këtij shteti nga blloku evropian, pesë vjet më parë. Përmes këtij procesi, këtyre qytetarëve u mundësohet e drejta për të banuar, udhëtuar, punuar dhe qasja në kujdes shëndetësor në Britani.
Mësohet se janë shtetasit e Polonisë dhe Rumanisë që kryesojnë për leje qëndrimi në Britaninë e Madhe.
Ndryshe, vendimi për largimin e Britanisë nga BE ka ardhur pasi në referendumin e mbajtur më 2016, ishin 52 për qind e qytetarëve që u deklaruan për daljen e Britanisë së Madhe nga Bashkimi Europian deri sa 48 për qind e kundërshtuan.
