FIFA nis procedurat kundër Xhakës dhe Shaqirit…
FIFA ka nisur një hetim për ndeshjen e Zvicrës ndaj Serbisë lidhur me festimet e Xhakës dhe Shaqirit.
“Komisioni Disiplinor i FIFA ka hapur procedurat kundër lojtarëve zviceranë, Granit Xhaka dhe Xherdan Shaqiri, rreth festimit të qëllimshëm gjatë ndeshjes midis Zvicrës dhe Serbisë”, thuhet në mesazhin e FIFA.
Në të njëjtën ndeshje, është hapur një procedurë disiplinore kundër Federatës së Futbollit të Serbisë. Kjo për shkak të trazirave të tifozëve dhe mesazheve politike dhe fyese nga tifozët serbë.
Për më tepër, një hetim paraprak u hap kundër trajnerit kombëtar serb Mlladen Krstajiç lidhur me deklaratat pas ndeshjes.
