Pas padisë, Pjerin Ndreu: Policë barkderrë që kapërcejnë kompetencat…
Pas padisë së ngritur kundër tij nga tre efektivë të Policisë së Shtetit dhe rrugës së shfajësimit që i hapi Kryeministri Edi Rama se të gjithë mund të gabojnë, Kryetari i Bashkisë Lezhë, Pjerin Ndreu, ka reaguar me një gjuhë krimineli dhe jo një ish-drejtuesi të policisë siç është Ndreu duke i ofenduar sërish policët:
“Kallzim penal nga policë barkderrë, që kapërcejnë kompetencat dhe kryejnë veprime në kundërshtim me ligjin?!” thekson Pjerin Ndreu në reagimine tij përmes rrjetit social Facebook ndërsa shfajësohet si një fillorist se dhe ata pranë tij po gabonin:
“Më e keqja është se ndërsa kryenin veprime të dhunshme në një darkë zyrtare, shumica e lokaleve të Shëngjinit ishin hapur, apo rrinë hapur çdo natë deri në orën 02, gjë që vërtetohet me hapjen e kamerave lehtësisht,” tha Kryetari i Bashkisë Lezhë, Pjerin Ndreu, dhe ndonëse Kryeministri Edi Rama nuk e detyroi, ai kërkoi ndjesë për tejkalimin e orarit me 20 min.
Ndryshe, Kryetari i Bashkisë së Lezhës, Pjerin Ndreu, është kallëzuar penalisht në Prokurori, nga tre efektivë të Policisë së Shtetit, me pretendimin se i ka penguar të ushtrojnë detyrën. Ngjarja ka ndodhur në zonën turistike të Shëngjinit, jashtë ambienteve të një hoteli në vijën e parë të bregdetit kur punonjësit e Policisë kanë kërkuar ndërprerjen e muzikës dhe mbylljen e lokalit, por kanë hasur në kundërshtinë e pronarit të subjektit. Përballë rezistencës, në ndihmë të patrullës së Shëngjinit ka shkuar forca e posaçme “Shqiponja”, të cilët në debat e sipër kanë tentuar të shoqërojnë në Komisariat pronarin e hotelit, por referuar kallëzimit penal, në ato momente ka dalë nga lokali kryebashkiaku i Lezhës, Pjerin Ndreu, duke i penguar që të ushtrojnë detyrën, me pretendimin se ligjin e bënte ai:
“Ligjet i bëj unë dhe i vendos unë…”, për të mos krijuar një situatë më të rëndë, ne jemi tërhequr duke njoftuar me radio sallën operative dhe eprorët tanë. Ata nuk ndërmorën asnjë veprim dhe na thanë në telefon:
“Lëreni mos u merrni më, largohuni prej aty.”
Statusi i plotë:
Kallzim penal nga police barkderre, qe kapercejne kompetencat dhe kryejne veprime ne kundershtim me ligjin?!
-Qe nderhyjne ne nje darke zyrtare me prezencen e 15 kryetarve te komunave te Kosoves, me veprime te dhunshme, kur mund te shkruanin gjoben sipas ligjit qe eshte deryra qe duhet te benin ne keto raste!
-Me e keqja eshte se ndersa kryenin veprime te dhunshme ne nje darke zyrtare, shumica e lokaleve te Shengjinit ishin hapur, apo rrine hapur cdo nate deri ne oren 02, gje qe vertetohet me hapjen e kamerave lehtesisht.
– Pretendimi qe jane fyer eshte menyre per te shmange tejkalimin e kompetencave, veprimet e dhunshme ne nje darke zyrtare dhe shperdorimin e detyres duke mos vepruar ne lokalet e tjera qe ishin hapur pothuaj te gjitha.
Duke kerkuar ndjese per tejkalimin e orarit me 20 min, theksoj se gjoba do ishte korrekte, por jo veprimet e dhunshme.
Zhargoni qe vesh media me pretendime policesh me bark te fryre nga birra, eshte i tepruar.
Si drejtuesh i pushtetit vendore e kam per detyre te mbaj qendrim kur policia tejkalon masen dhe kryen veprime te dhunshme kur nuk kishte asnje kontigjent kriminal ne ate darke.
Por pikerisht kjo eshte problematike, se ndersa kontigjentet kriminal bejne ca te duan dhe si prek njeri, nje shkelje qe meriton gjobe per keso, edhe per mua, behet gurgule!
