Rama-qytetarit: Edhe Gjermania që është Gjermani, nuk u bë menjëherë…

Kryeministri Edi Rama ka kaluar fundjavën në qarkun e Vlorës ku ka paraqitur projektet për zonën, në të cilën është i mandatuar si deputet prej 2013.

Një nga projektet është ai për aeroportin e Vlorës, për të cilin Rama tha se do të jetë konkurent i atij të Rinasit.

E ndërsa Rama flet për projekte madhore, një qytetar ka zgjedhur t´i kujtojë disa premtime të pambajtura, të premtuara në fushatën për zgjedhjet parlamentare të 2013 dhe që kishin të bënin me infrastrukturën.

Qytetari i ka kujtuar Ramës se janë të paktën 7 fshatra që lidhen me Vlorën që nuk kanë rrugë dhe një distancë prej 1.3 km bëhet për 30 minuta. Madje qytetari i kujtoi Ramës premtimet që bënte në fushatë në 2013 bashkë me ish-deputeten Valentina Leskaj.

Kryeministri theksoi se është në dijeni të gjendjes, i ka parë ato rrugë, por si gjithmonë e gjeti një përgjigje që nuk i jep zgjidhje problematikës së ngritur.

“Edhe Gjermania që është Gjermani, kur doli pas luftës nuk u ndërtua e gjitha menjëherë. Do bëhen me rradhë gjërat”, tha Rama.