FOTO/ Rama e Veliaj festojnë në shesh, por ja si u përmbyt bashkia…

Kryebashkiaku Erjon Veliaj dhe Kryeministri Edi Rama organizuar në sheshin Skenderbej një ceremoni me rastin e dhënies së një çmimi pak ditë më parë në Barcelonë lidhur me këtë hapësirë publike.

Një ditë pas çmimit të dhënë, për shkak të reshjeve të shiut që zgjatën më pak se 30 minuta sheshi u përmbyt, pusetat shpërthyen, çka nxori në pah punimet fasadë të kryera.

Por duket se kjo nuk ka shqetësuar aspak Kryebashkiakun që vijon të japë show. Paralelisht me ceremoninë e organizuar nga Veliaj-Rama, nënkryetari demokrat i Kuvendit, Edi Paloka, ka zgjedhur të publikojë në rrjet një foto nga përmbytjet, madje ato që kanë përfshirë bashkinë e Tiranës, katin e parë dhe atë të nëndheshmin.

Gjithashtu e përmbytur është edhe Biblioteka Kombëtare, denoncim që është bërë një ditë më parë nga një prej gazetareve.

Por sërisht këto mbahen të fshehta dhe shoë vijon. Nuk dihet se çfarë dokumentesh janë dëmtuar si rezultat i përmbytjeve në bashki apo bibliotekë, porn ë rastin më të mirë kjo tregon seriozitetin me të cilin trajtohen dokumentet shtetërore, qoftë edhe ato të arkivës.

“Çmimi i vetëm qe Rama dhe Veliaj meritojnë është ai i pafytyrësisë dhe hajdutërisë”, shkruan Paloka në rrjet, duke postuar foton e mëposhtme.

“Vetëm dy ditë pasi Tirana u përmbyt, – shkruan paloka, – kur dhe “saçi” që këta e quajnë shesh, u kthye në kënetë llumi, kur dhe vete ambientet e bashkisë u përmbytën, pikërisht për shkak të “saçit”-“shesh”, kane guximin të dalin e të mburren.

5 milionë euro e paraqiten projektin e parë të “saçit” dhe megjithëse dhe aty kishin llogaritur të vidhnin më shumë se gjysmën e parave, si gjithnjë nuk u ngopën dhe nga 5, e çuan në 25 milionë euro vjedhjen.

Pastaj nga paratë e vjedhura, paguajnë për të marrë dhe çmime. Siç paguan me paratë e kanabisit ata që deklaronin se nuk ka kanabis në Shqipëri. Vjedhin 25 milionë dhe sot thonë “nuk kemi para për Teatrin …”.