Njohja e Kosovës nga Greqia, Dendias: Për legjitimitetin është shprehur GJND në vitin 2010!

Pas intervistës së ministrit të Jashtëm grek, Nikos Dendias, për gazetën “Real News” ku komentoi dhe tre çështjet e nxehta, marrëdhënien e Greqisë me Turqinë, zbatimin e Marrëveshjes së Prespës, dhe çështjen e Qirpos dhe Kosovës, Beogradi zyrtar dhe mediat serbe u shqetësuan pse Dendias iu referua Vendimit të Gjykatës Ndërkombëtare të Drejtësisë në Hagë nga viti 2010.

Për rolin e ri të përfaqësisë diplomatike kosovare në Athinë dhe dy vizitave në Prishtinë brenda disa muajve, Dendias u pyet nëse Greqia ka në plan ta njoh Kosovën dhe a është ky akt kundër të drejtës ndërkombëtare, shefi i diplomacisë greke sqaroi:

“Integrimi i Ballkanit Perëndimor në Bashkimin Evropiane është një prioritet, pasi stabiliteti i rajonit ka një ndikim të drejtpërdrejtë në sigurinë tonë. Ne nuk duam një ‘vrimë të zezë’ në kufijtë tanë veriorë. Megjithëse pozicioni ynë mbi status quon në Kosovë nuk ka ndryshuar, ne mbajmë një qëndrim konstruktiv dhe mbështesim dialogun Beograd-Prishtinë. Sa i përket legjitimitetit të një njohje të mundshme, Gjykata Ndërkombëtare e Drejtësisë në Hagë vendosi në vitin 2010,” tha Nikos Dendias duke përfunduar:

“Deklarata e pavarësisë së Kosovës nuk shkelte ligjin ndërkombëtar, pasi nuk ishte produkt i një përdorimi të paligjshëm të forcës të dënuar nga Këshilli i Sigurimit. Ky nuk ishte rasti me shpalljen e pseudo-shtetit në 1983(e qujnë pseudo-shtetin turk në Qipro). Me shpërbërjen e Bashkimit Sovjetik dhe Jugosllavisë, u krijuan disa shtete të reja. Sidoqoftë, asnjë nga këto nuk ishte rezultat i një pushtimi të huaj.”