Arrestohet kryetari i Bashkisë Lushnjë, Yuri Kim: Askush nuk është mbi ligjin!
Pas arrestimit të Kryetarit të Bashkisë Lushnjë, Fatos Tushe, dhe 10 zyrtarëve të tjerë ka reaguar Ambasadorja e SHBA në Tiranë, Yuri Kim, duke siguruas se askush nuk është mbi ligjin.
“Nëse jeni të përfshirë në korrupsion – pavarësisht sa të fuqishëm mendoni se jeni – tani është koha për të peshuar ndikimin që veprimet tuaja do të kenë në familjen dhe vendin tuaj. Tani është koha për të gjykuar nëse ia vlen të shkosh në burg. Tani është koha për t’u ndalur,” thekson Yuri Kim në reagimin e saj përmes rrjetit social Twitter duke përfunduar:
“Askush nuk është mbi ligjin.”
Ndryshe, sot Kryetari i Bashkisë Lushnjë, Fatos Tushe, është arrestuar me 10 zyrtarë të tjerë të akuzuar shpërdorim detyre dhe shkelje të barazisë në tendera. SPAK ka bërë të ditur se e ka shtrirë hetimin dhe për korrupsion, sipas të dhënave për abuzim me fondet publike.
