Ushtarët amerikanë ndihmojnë FSK-në në Deçan

Ushtarët amerikanë, pjesë e misionit të KFOR-it, kanë bashkëpunuar me ushtarët e FSK-së për gjendjen emergjente në Deçan.

 ”Trupat e FSK-së së bashku me trupat ushtarake amerikane në operacionet për të kapërcyer situatën emergjente në Deçan,” thekson ministri i FSK-së, Armend Mehaj, përmes rrjetit social Facebook duke e shoqëruar dhe me foto.

Ndryshe, dje Armend Mehaj ka bërë të ditur se Kompania e Specializuar për Detektimin e Materieve të Rrezikshme duke bërë analizat kimike dhe biologjike të mostrave të ujit.

Krahas këtij aktiviteti, Kompania për Operacione Civile është angazhuar në vlerësimin e përgjithshëm të situatës së krijuar. Gjithashtu kemi dërguar oficerin ndërlidhës i cili do të jetë pjesë e Shtabit Emergjent në Komunën e Deçanit.