Erdogan fiton zgjedhjet, Rama ndër Kryeministrat e parë që e uron…

Rexhep Taip Erdogan ka fituar zgjedhjet presidenciale dhe parlamentare në Turqi, ndonëse me një rezultat të ngushtë, krahasuar me atë çka pritej. Erdogan ka kryesuar garën dhe kur ka mbetur më pak se 10 % e votave për t´u numëruar ai kryesonte me rreth 53 % të votave, kundrejt 30 % të marra nga kandidati i opozitës Ince.

Ndërkohë, Presidenti turk është uruar nga nga disa kryeministra dhe liedër të shteteve, përfshi këtu edhe Kreun e Qeverisë shqiptare, Edi Rama.

Mediat turke raportojnë se Rama ka qenë ndër të parët që ka uruar Erdoganin për fitoren në zgjedhje.
Kryeministri i Shqipërisë, Edi Rama, përmes linjës telefonike ka uruar presidentin Erdoğan për suksesin në zgjedhje. Sipas burimeve presidenciale, presidenti Erdoğan falënderoi kryeministrin e Shqipërisë për urimin, raporton AA.

Gjithashtu, Kryeministri i Hungarisë, Viktor Orbán, ishte lideri i parë i një shteti të Bashkimit Evropian (BE), i cili uroi presidentin Erdoğan për suksesin në zgjedhje. Sipas zyrtarëve, ai uroi presidentin turk përmes linjës telefonike.

Presidenti i Azerbajxhanit, Ilham Aliyev, ka uruar presidentin turk, Recep Tayyip Erdoğan, për suksesin e madh të arritur në zgjedhjet presidenciale.

Kryetari i Këshillit Presidencial të Bosnjë dhe Hercegovinës, Bakir Izetbegoviç, uroi presidentin turk, Recep Tayyip Erdoğan, për suksesin në zgjedhje.

Presidenti i Palestinës, Mahmud Abbas, uroi presidentin e Turqisë, Recep Tayyip Erdoğan, për suksesin në zgjedhje.
Emiri i Katarit, Tamim bin Hamad al Thani, uroi presidentin e Turqisë, Recep Tayyip Erdoğan, për suksesin në zgjedhje.