Prishtinë, dënohet “trimi” serb nga Podgorica

U trimërua në Gaziemstan duke bërtitur “Vrite shiptarin”, “Ne do ta lajmë Kosovën me gjak”, “Kosova është Serbi” por kur u vu në pranga, serbi nga Podgorica, Risto Jovanoviç, e çoi gjithë qeverinë proserbe të Malit të Zi për ta mbrojtur duke mohua akuzat për nxitje të urrejtjes dhe mostolerancës kombëtare dhe fetare. Por as Kryeministri proserb i Malit të Zi, “trimit” serb nuk i ndihmoi dot, i cili sot nga Gjykata Themelore në Prishtinë u dënua me gjobë 6.700 euro ose 6 muaj burg

Avokatja e tij, Jovana Filipoviç, tha se klienti i saj ka pranuar të paguajë gjobën ndërsa shtoi se Jovanoviçit i është ndaluar që për pesë vitet e ardhshme të hyjë në territorin e Kosovës.

Duke arsyetuar vendimin, gjyqtarja e Gjykatës Themelore në Prishtinë, Vlora Pacolli, tha se Jovanoviç është dënuar pasi është dëgjuar duke bërtitur “Vrite shiptarin”, “Ne do ta lajmë Kosovën me gjak”, “Kosova është Serbi”, gjë të cilën vetë Kryeministri i tij Krivokapiç nuk e kishte dëgjuar.

Se çfarë ka thënë “trimi” serb, në seancë ishte për ta dëgjuar edhe Ambasadori i Malit Zi në Kosovë, Mirsad Biboviç.

Ndryshe, Risto Jovanoviç është arrestuar më 28 qershor në Gazimestan, si pjesë e grupit të çetnikëve serb, të cilët që nga shfaqja e Sllobodan Millosheviçit në Kosovë filluan ta festojnë Vidovdanin, ditë përkujtimi për betejën që kishin humbur kundë ushtrisë osmane në vitin 1389 në Kosovë.

Me këtë dënim si duket është e kënaqur Kisha Ortodokse e Serbisë e cila vazhdon të ndërsen dhe paguaj rininë serbe për të nxitur urrejtjen ndaj shqiptarëve, veprim për të cilin autoritetet kosovare vazhdojnë të heshtin dhe i pari i shtetit serb, Aleksandar Vuçiç bënë të paditurin.