Inflacioni në Gjermani në nivelin më të lartë në 27 vite

Çmimet e konsumit në Gjermani janë rritur në muajin korrik duke arritur rekordin në 27 vite, raporton Destatis, duke theksuar mbi rritjen e çmimit të karburanteve dhe nivelin e ulët të bazës krahasuese nga viti i kaluar, kur për shkak të pandemisë përkohësisht është ulur TVSH.

Muajin e kaluar çmimet janë rritur me 3.8 për qind krahasuar me korrikun e vitit 2020, që është dhe niveli më i lartë i rritjes nga fundi i vitit 1993, raporton sot Zyra e Statistikave.

Në muajin qershor kjo rritje ishte 2.3 për qind.

Për shkak të uljes së përkohshme të TVSH çmimet janë ulur dukshëm në korrik të vitit të kaluar, që me rritjen e sërishme në këtë vit rezultoi me rritje të shumë artikujve dhe shërbimeve, e me këtë dhe me nivelin më të lartë të inflacionit, thekson Eurostat.

“Efekti i fuqishëm i bazës së ulët krahasuese në korrikun e vitit 2021 ishte i pritshëm sepse lehtësimet tatimore për konsumatorët para një viti kanë ulur çmimet e shumë artikujve,” thekson Zyra e statistikave në raport.

Çmimi i transportit, rritjen më të lartë

Faktori shtesë në rritjen e infalcionit gjatë muajit të kaluar ishte rritja e çmimit të karburanteve, tha shefi i Departamentit të Destatisit për çmimet konsumatore, Christoph Martin Mai.

Në këto kushte, në muajin korrik më së shumëti është rritur çmimi i transportit, për 9.8 për qind, pasuar nga rrobat, këpucët, çmimet e të cilave janë rritur për 5 për qind.

Ushqimi është rritur dukshëm, me 4.3 për qind krahasuar me korrikun e vitit 2020. 

Nëse nuk përfshihen lëvizjet e çmimeve të ndikuara nga energjia, inflacioni ishte 2.9 për qind. Nëse nuk përfshihet energjia dhe ushqimi, inflacioni ishte 2.7 për qind.

Në nivelin mujor çmimet në muajin korrik janë rritur për 0.9 për qind.

Bazuar në Indeksin e Çmimit të Konsumit, IÇK, i cili përdoret për të krahasuar inflacionin me vendet e BE, në Gjermani çmimet në muajin korrik janë rritur për 3.1 për qind krahasuar me muajin korrik të vitit 2020. Në krahasim me muajin qershor të vitit 2020, çmimet janë rritur për 0.5 për qind.