Pas konsultimeve, Presidentja e Kosovës: Data e zgjedhjeve mbetet 17 Tetori!

Pas konsultimeve me përfaqësuesit e partive politike, Presidentja e Kosovës, Vjosa Osmani, tha se përkundër rekomandimeve të IKSHP-së për shtyrje të zgjedhjeve, mendimi mbizotërues i subjekteve politike opozitare ishte kundër shtyrjes së zgjedhjeve.

“Meqë nuk ka pasur pajtim mes partive në pushtet dhe atyre opozitare nuk ka bazë të mjaftueshme për shtyrje të zgjedhjeve,” tha Osmani duke shtuar se do të respektojë qëndrimin e krerëve të partive, që zgjedhjet të mos shtyhen, por ajo shtoi se kjo nuk do të thotë që pajtohet me këtë qëndrim.

“Përkundër rekomandimit të ekspertëve shëndetësorë, për ndikimin e procesit zgjedhor në situatën epidemiologjike partitë politike nuk u pajtuan me shtyrjen e zgjedhjeve. Unë do ta respektoj këtë, por assesi nuk do të thotë se pajtohem me këtë. Data e zgjedhjeve mbetet ashtu si ka qenë.”

Pas takimit të partive politike me Presidenten e Kosovës Vjosa Osmani, Kryetari i PDK, Memli Krasniqi, tha se si parti politike janë shprehur se fushata zgjedhore mund të mbahet në vetëm pak ditë apo edhe në anulim të gjithë fushatës, por jo edhe të ditës së zgjedhjes.

“Ne kemi shprehur qëndrimin që jemi të gatshëm ta shkurtojmë maksimalisht fushatën apo edhe të pezullohet totalisht fushata konvencionale e takimeve dhe tubimeve publike, që të ketë respektim rigoroz të masave të vendosura nga Qeveria dhe të rekomanduara nga institucionet përkatëse shëndetësore, por po ashtu kërkova që t’i jepet prioritet vaksinimit të trupave zgjedhor, të komisionarëve në mënyrë që ata të jenë të mbrojtur dhe të mos jenë në rrezik të bartjes së infeksionit në ditën e zgjedhjeve. Kam kërkuar përshpejtim dhe dencentralizim të procesit të vaksinimit për gjithë qytetarët e Kosovës… Qëndrimi jonë është që shëndeti i qytetarëve është prioritet, por karshi shëndetit të qytetarëve është edhe shëndeti i demokracisë,” tha Krasniqi duke e bërë të qartë se partitë opozitare janë shprehur të gatshme që të mos ketë fushatë zgjedhore, por që tha se një mbështetje të tillë nuk e kanë marrë nga kryetari i LVV-së.

“Opozita u shprehëm që të mos fushatë fare apo vetëm disa ditë, por nuk e morëm një konfirmim apo gatishmëri të tillë nga kryetari i LVV-së Albin Kurti, ndërsa sa i përket vendimit mendoj se nuk do të ketë shtyrje të procesit zgjedhor…Nuk pati propozim të saktë për ndonjë datë të caktuar.”

Ndërsa Kryetari i Lidhjes Demokratike të Kosovës, Lumir Abdixhiku, tha se nuk kishte pajtueshmëri për shtyerjen e zgjedhjeve. Tutje ai tha se kjo është një ditë e mirë për demokracinë e vendit.

“Në situatën e tanishme unë fillimisht kam bërë një propozim për liderët e aprtive për shkuritmin e fushatës zgjedhore dhe siç jeni informuar kam marrë përgjigje vetëm nga zotri Krasniqi dhe nga zotri Haradinaj, nuk kam marrë përgjigje nga zotri Kurti,” tha Abdixhiku duke shtuar se partia e tij do të ushtrojë vullnetarisht fushatë pesë ditore ose fare.

“LDK do të ushtroj vullnetarisht fushtatë pesë ditore ose hiç, për të ruajtur shëndetin e njerëzve. Nje skenar i tillë politik nuk bën të ekzekutohet pasi në pyetje është demokracia, s’ka të bëjë me vullnetin e zgjehdje, nuk kishte pajtueshmeri për shtyejren e zgjedhje. Kjo është një ditë e mirë për demokracinë. Ne duhet të kujdesemi për shëndetin e qytetarëve tanë por mbi të gjithë qeveria.”

Kryetari i Lëvizjes Vetëvendosje dhe Kryeministri i Kosovës, Albin Kurti, ashtu si para takimit me Presidenten Vjosa Osmani tha se janë të pajtimit që zgjedhjet të shtyhen sipas rekomandimit të IKShPK.

“Për respektimin e vlerësimit profesional të Institutit Kombëtar të Shëndetësisë Publike, i nënshkruar nga 11 doktorë gjithsej, që është për shtyrjen e zgjedhjeve. Shtyrja e zgjedhjeve më së shumti i kushton pikërisht subjektit tonë, që nga viti 2017 janë mbajtur dy palë zgjedhje nacionale. Duke e pasur parasysh që aktualisht kemi një përmirësim të situatës me pandeminë në mënyrë që ky përmirësim të mos ndalet, në mënyrë që të mos kemi një valë të re, për shkak se versioni Delta është eksploziv në muajt nëntor dhe dhjetor, ne jemi që zgjedhjet të shtyhen. Megjithatë ne nuk imponojmë qëndrimin tonë, le të merret cilido vendim ne do ta respektojmë,” tha Albin Kurti duke shtuar se nuk krahasohen zgjedhjet lokale me ato nacionale, duke përmendur edhe mundësinë e balotazhit.