Aksioni në Veri, Albin Kurti: Zbatim i Marrëveshjes së pranuar nga Serbia

Aksioni është vetëm zbatim i marrëveshjes që e ka pranuar edhe vet Serbia. Kështu u shpreh sot në parlament, Kryeministri Albin Kurti duek sqaruar se aplikimi i targave të përkohshme për automjetet që hyjnë nga Serbia në Kosovë nuk ka për qëllim destabilizimin e situatës dhe se veprimet nuk janë kundër serbëve të veriut.

“15 shtatori i ketij viti, ka qenë data e fundit e që veturat me targa KS do të hyjnë nga Serbia në Kosovë.  5 ditë nga kjo datë, MPB sot ndërmori aksionin për konfiskimin e këtyre tabelave. Pavarësisht çfarë nacionaliteti janë ato tabela, duhet të konfiskohen që do të pajisen me tabela të përkohshme,” u shpreh Albin Kurti duke shtuar:  

“Si kryeministër iu siguroj se veprimet në veri, nuk janë drejtuar ndaj qytetarëve serb e as nuk ka të bëjë me ndonjë destabilizim. Pres nga qytetarët se sot nuk po ndodh asgjë e jashtëligjshme, por që po fillon implementkmi i një marrëveshje që është pranuar nga vet Serbia.”

Ndryshe, mëngjesin e sotëm, Policia e Kosovës ka filluar të heqë targat e automjeteve që hyjnë nga Serbia, duke aplikuar masa reciprociteti ashtu siç deri sot kanë autoritetet serbe me automjetet me targa të Kosovës.

Automjetet që hyjnë nga Serbia duhet të pajisjen me targa të përkohshme në pikë-kalimet kufitare të Kosovës kundrejtë pagesës 5 euro. Vlefshmëria e e këtyre targave është 60 ditë.