Vendimi: Komiteti Teknik i Ekspertëve: Nuk ka ndryshim të masave!

Pas analizës së situatës epidemiologjike me COVID-19, Komiteti Teknik i Ekspertëve sot bëri të ditur se nuk do të ketë ndryshim të masave për 2 javët në vazhdim.

“Nga prezantimet që u pa, situata mbetet relativisht e qëndrueshme. komiteti mendon që të mos ketë ndryshim të masave. Edhe për 2 javë ora policore do të mbetet ajo që kemi rekomanduar. Do të ketë përdorim të masave aty ku kemi rekomanduar,. në qendrat tregtare etj. S’do të ketë grumbullimi i njerëzve më shumë se 50 veta, por në aktivitetet sportive do të realizohen në kapacitete jo më shumë se 30% të këtyre ambienteve,” tha kreu i Komitetit Mira Rakacolli.

Kështu, ora policore do të vijojë të nisë nga ora 23:00 deri në orën 06:00, dhe mbeten në fuqi masat në hyrjet e daljet nga vendi për qytetarë të huaj dhe shqiptarë, ku do të kërkohet prova e vaksinimit .