Në metron e Vjenës, një serb i kafshon veshin studentit

Në stacionin e metros së Vjenës “Schottenring” një shtetas serb i ka shkaktuar lëndime të rënda dy studentëve gjatë një përleshje, raportojnë mediat austriake, njërit prej të cilëve i ka kafshuar gjysmën e veshit.

Dy të rinjtë kishin një tapet në duar, të cilin kishin menduar ta transportojnë përmes metros. Në stacionin e metros “Schottenring”, për humor ata hapën tapetin dhe u shtrinë. Pas këtij gjesti, raportojnë mediat, erdhi deri tek përplasja me shtetasin serb.

Fillimisht përleshja filloi në shkallë, e më pas situata u përshkallëzua. Në atë moment, serbi kafshoi të dy studentët, e më pas u konstatua se njërit prej tyre i mungonte gjysma e një veshi!

Në momentin kur erdhi policia në vendin e ngjarjes gjetën vetëm një pjesëmarrës të kësaj përeshjeje i cili deklaroi se e kishin sulmuar 5 persona

Ndërkohë dy të lënduarit, pas sulmit kanë shkua rnë spital, e më pas kanë bërë denoncimin në polici.

Policia, raportojnë mediat austriake, janë duke analizuar videon nga kamerat e sigurisë për të konfirmuar se kush qëlloi i pari në përleshje.