Samiti i EPP, Basha: Evropa është ëndrra dhe destinacioni ynë!

Në prag të Samitit BE-Ballkani Perëndimor, Kryetari i Partisë Demokratike, Lulzim Basha, shprehet në Samitin e Partive Popullore Europiane, se shqiptarët presin nga ky samit mbështetje për zgjedhje të lira dhe të ndershme, më shumë demokraci, më shumë mundësi për të rinjtë tanë dhe qytetarët tanë.

“Qytetarët e Ballkanit Perëndimor janë të gjithë sy dhe veshë sa herë që ka një tubim të udhëheqësve të BE-së, plot shpresë për çdo derë që hapet dhe çdo dritë që shkëlqen përpara në lidhje me perspektivën e tyre evropiane. Evropa është ëndrra dhe destinacioni ynë,” shprehet Lulzim Basha përmes një videomesazhi duke shtuar se shqiptarët presin nga ky Samit i Ballkanit Perëndimor që të adresojë pengesat në udhëtimin tonë drejt Europës ndërsa përfundon:

“Ne presim mbështetje për sundimin e ligjit, më shumë ndihmë në luftën kundër korrupsionit dhe krimit të organizuar, mbështetje për zgjedhje të lira dhe të ndershme, presim më shumë demokraci, më shumë mundësi për të rinjtë tanë dhe qytetarët tanë.”

Mesazhi

Qytetarët e Ballkanit Perëndimor janë të gjithë sy dhe veshë sa herë që ka një tubim të udhëheqësve të BE -së, plot shpresë për çdo derë që hapet dhe çdo dritë që shkëlqen përpara në lidhje me perspektivën e tyre evropiane.

Evropa është ëndrra dhe destinacioni ynë.

Isha 17 vjeç kur së bashku me të rinjtë dhe të rejat protestuam nën thirrjen “Ne duam Shqipërinë si gjithë Evropa”. Kjo thirrje e zemrave tona rrëzoi regjimin komunist.

Sot, 31 vite më vonë ne vazhdojmë të dëshirojmë, të kërkojmë dhe të përpiqemi për Shqipërinë si gjithë Evropa.

Ne presim nga ky Samit i Ballkanit Perëndimor të adresojë pengesat në udhëtimin tonë drejt Europës. Ne presim mbështetje për sundimin e ligjit, më shumë ndihmë në luftën kundër korrupsionit dhe krimit të organizuar, mbështetje për zgjedhje të lira dhe të ndershme, presim më shumë demokraci, më shumë mundësi për të rinjtë tanë dhe qytetarët tanë.