Korrupsioni i kancelarit austriak, ikën Kurz vjen Alexander Schallenberg!

Kancelari i Austrisë, Sebastian Kurz, tha mbrëmjen e sotme se jep dorëheqje pasi është akuzuar për një skandal korrupsioni.

Dorëheqja e Kurz vjen pas akuzave nga prokuroria austriake për përdorimin e fondeve publike për të paguar shpallje në një tabloid në shkëmbim të favorizimit në sondazhet e Kurz dhe partisë së tij, Partisë Popullore Austriake, ÖVP. 

Kurz me këtë rast tha se akuzat janë plotësisht të gabuara dhe do të ishte i kënaqur sikur prezumimi i pafajësisë do të vlente njejtë për të gjithë njerëzit.

“Më të rëndësishëm e kam vendin tim se sa veten”

“Edhe unë jam njeri,” tha Kurz duke shtuar se më të rëndësishëm e kam vend tim se sa veten dhe për këtë arsye duhet të tërhqiem.

“Ajo që tani na duhet është stabiliteti,” tha Kurz duke shtuar se po tërhiqet për të parandaluar kaosin dhe për të garantuar stabilitetin ndërsa do të vazhdoj të qëndroj në krye të ÖVP, ku në zgjedhjet e fundit që u mbajtën në muajin gusht mori 99.4 për qind të votave si kandidat për kryetar.

Pas dorëheqjes Kurz propozoi për kancelar shefin aktual të diplomacisë austriake, Alexander Schallenberg.

Kreu i të Gjelbërve dhe Zv/Kancelari Werner Kogler tha se ishte i kënaqur, pra Kurz arriti ta shpëtoj koalicionin qeverisës.

“Besojmë se ky është hapi i duhur për të ardhmen e qeverisë,” tha Kryetari i të Gjelbërve dhe Zv/Kancelari Werner Kogler përmes një komunikate duke shtuar se kishte një marrëdhënie pune shumë konstruktive me Schallenbergun.

Dy hetime kundër Kurz, ai i hedh poshtë

Prokuroria për krim ekonomik ka nisur një hetim kundër Kurz dhe disa zyrtarëve të ÖVP-së për akuzën e shpërdorimit të mjeteve të taksapaguesve austriak që në vitin 2017, për fushata mediatike për llogari të Partisë Popullore.

Si shpërblim ministria e Financave po në këto media ka paguar hapsirë reklamash.

Akuzat kanë të bëjnë për periudhën nga viti 2017 para se Kurz të bëhet shef i ÖVP-së, e më vonë edhe kancelar.

Kundër Sebastian Kurz po zhvillohen hetimet për shkak të dëshmisë së rreme para Komisionit parlamentar për zbardhjen e të ashtuquajturit “Skandali Ibiza” në vitin 2019, kur dhe ra qeveria e kaolicionit me të djathtën ekstreme. Edhe në këtë rast Kurz hodhi poshtë akuzat.