FSK merr pjesë në Garën Ushtarake Ndërkombëtare “Skuadra më e mirë 2021”

Me ftesë të ushtrisë së Sllovenisë, Forca e Sigurisë së Kosovës do të marrë pjesë në Garën Ushtarake Ndërkombëtare “Skuadra më e mirë 2021”. Këtë e ka bërë të ditur ministri i Mbrojtjes, Armend Mehaj, ndërkohë që FSK merr pjesë edhe në Stërvitjen Fushore ‘Disaster Relief Military Mobility Exercise 2021’ me rreth 20 vende anëtare dhe partnere të NATO-s

“FSK vazhdon me stërvitje dhe gara ushtarake bashkë me vendet anëtare dhe partnere të NATO-s. Deri sa jemi duke marrë pjesë në Stërvitjen Fushore ‘Disaster Relief Military Mobility Exercise 2021’ me rreth 20 vende anëtare dhe partnere të NATO-s,  sot një njësi tjetër e FSK-së, me ftesë të ushtrisë sllovene, do të marrin pjesë në Garën Ushtarake Ndërkombëtare Skuadra më e mire 2021,” thekson Armend Mehaj përmes rrjetit social Facebook duke e konsideruar si mundësi që njësitë e FSK-së të konfirmojnë dhe promovojnë bashkëpunimin ndërkombëtar të korpusit të nënoficerëve me kolegët e tyre nga vendet anëtare dhe partnere të NATO-s ndërsa përfundon:

“Forca djema dhe vasha tona! Kemi besimin maksimal në fitoret tuaja!”