Vuçiç: Nuk ka asgjë të mirë rreth Kosovës që mund ti ofrojmë popullit

Asgjë të mirë rreth Kosovës nuk ka që mund të fitojmë dhe ti ofrojmë popullit, dhe do të dal para popullit që ta sqaroj, e është populli ai që e merr vendimin për të ardhmen, tha presidenti i Serbisë, Aleksandar Vuçiç.

Duke marrë pjesë në një stërvitje të ushtrisë dhe policisë serbe, ai tha se ka prej atyre që ju pengon se ai nuk do të merr vendim mbi zgjidhjen e çështjes së  Kosovës pa i pyetur qytetarët, dhe theksuan se po i pyet qytetarët sepse fshihet pas tyre, si dhe po i përdor si “gjethe fiku”.

“Nuk jam fshehur kurrë. Nuk jam fshehur kur na është dashtur të ulim rrogat dhe pensionet në mënyrë që ta rimëkëmbim vendin dhe ta shpëtojmë nga falimenti. Nuk jam fshehur dhe nuk do të fshihem kur i rrisim rrogat dhe pensionet, sepse kemi kuruar sistemin duke dëshmuar se jemi të përgjegjshëm dhe serioz, dhe jo si paraardhësit tanë,” tha Vuçiç duke vazhduar të akuzoi opozitën se nuk do të udhëheqë politikën të cilën e kishte udhëhequr opozita, e cila heshti kur dikush djegu kisha dhe theu kryqe, kur dikush e shpalli pavarësinë, dhe kur Gjykata Ndërkombëtare e Drejtësisë mori vendim që pavarësia është shpallë në mënyrë legale dhe kjo ishte bërë me kërkesën e Serbisë.

“Unë këtë nuk e bëjë dot. Asgjë të mirë rreth Kosovës nuk ka që mund të fitojmë dhe ti ofrojmë popullit,” tha Vuçiç duke përfunduar se do të dal para popullit që ta sqaroj, dhe është populli që e merr vendimin për të ardhmen:

“Njerëzit duhet të jenë të informuar me pasojat e opsionit të parë, të dytë dhe të tretë. Populli duhet të thotë se çfarë dëshiron.”