Kategoria e parë, në pritje të ndryshimit të strukturës

Në ambjentet e FSHF-së, po përflitet për ndryshimin e strukturës së kampionatit të kategorisë së parë.

Në bazë të rregullores, skema nuk mund të ndryshojë pak muaj para sezonit të ri. Por ato që kanë ndodhur këtë sezon në këtë kategori e bëjnë të detyruar të bëjnë një hap të tillë për dy arsye: Bashkimin e kampionatit në një grup të vetëm si dhe uljen e numrit të skuadrave pjesmarrëse.

Në realitet disa skuadra të kësaj kategorie kanë financa dhe infrastrukturë dhe disa të tjerë thjeshtë zvarriten në pritje të përfundmit të sezonit. Sapo të mbyllet sezoni aktual, Komiteti Ekzekutiv të FSHF-se do t’i paraqitet një projekt – draft, nga Komisioni i Ligës, që ka për kryetar Edvin Libohovën.

Projekti parashikon bashkimin e dy grupeve dhe ndërtimin e një kategorie me 18 ose 20 skuadra. Prej ku tre ose katër do të zbresi direkt nga kategoria, derisa Kategoria e parë  të përbëhet me 14 skuadra, që do të jetë dhe numri final në bazë të rregullores.