Nga “Foltorja” në Lushnje, Berisha: Pengu i Edi Ramës ka frikë nga demokratët!

Pas Kamzës radhët e “Foltores” së liderit historik Sali Berisha sa shkojnë dhe shtohen dhe kjo u pa në Lushnje ku mbështetësit e tij po rrëzojnë sondazhet e të dyja palëve, si ato të Kryetarit Lulzim Basha që mburrej se ka mbështetjen e 97 për qind të demokratëve por edhe ato të “Foltores” që dikur kishin arritur 70 për qind, shifër që tashmë është lënë pas me rekorde të reja që shënohen nga foltorja në foltore.

Sot në Lushnje Ish-Presidenti Sali Berisha akuzoi Kryeministrin Edi Rama për keqqeverisje ndërsa sulmoi, siç tha, pengun e tij, Lulzim Basha, se ka frikë nga demokratët. Miratimi i borxhit, që u bë dhe temë e kësaj jave pasi nuk u kundërshtua nga opozita, sipas Berishës, është akti më i rëndë ku bashkëfajtore është edhe opozita.

Ndërsa renditi rekordet e Edi Ramës dhe qeverisjes së tij akuzoi Lulzim Bashën se nuk ndaloi dot asnjë rekord të zi që shënoi qeveria në këto 8 vite. Ish-Kryetari, tha Berisha, eci 8 vite nga disfata në disfatë dhe ndërkohë që demokratët punuan me vetëmohim, kryetari pa parti e shndërroj këtë parti në shoqatë, për të dhe jo për ju.

“Të dashur qytetare të pranishëm në këtë sallë dhe kudo ku jeni, në Shqipëri apo emigracion, ju sjell ju përshëndetjet më të përzemërta. Shpreh nderimin më të madh dhe ulem para jush me respektin më të thellë për këtë mbështetje të jashtëzakonshme që ju i keni bërë dhe po i bëni foltores si uragan i shpresës së mbarë shqiptarëve. Foltores si nismëtare e madhe e vullnetit tuaj për të rivendosur në Shqipëri pluralizmin politik të rrënuar nga klika në pushtet për të rikthyer PD-në në një forcë vigane të lirisë, demokracisë dhe fitores. Kohërat janë kritike, por secili prej jush në këtë sallë dhe ata qindra mijëra të tjerë që mbështesim ne po shkruajnë me duart e tyre një kapitull të ri në historinë e Shqipërisë, po hapim një faqe të re. Sistemet demokratike janë delikate. Në histori ato kanë njohur vendnumëro dhe prapaktheu. Mjerisht në atë demokraci fragile kanë lindur dhe diktaturat. Kjo është e vërtetë që e shohim ne në kurriz. Nga një sistem demokratik, në Shqipëri u krijua një diktaturë e bazuar në korrupsion dhe drogë. Ky narko-shtet, apo diktaturë e bazuar në drogë dhe krim e korrupsion, jo vetëm ka shkelmuar votën tuaj, por ia doli në këto 8 vite të rrëmbejë të gjitha pushtetet dhe së fundi, të shtrojë partinë e martirëve të lirisë, PD-në.

Në këto 8 vite, kafshata e gojës për shqiptarëve, edhe ashtu siç ishte 80 herë më e kushtueshme se në BE. Sot kisha një pedagoge e nderuar në zyrë dhe më thotë; Ministrja na ka sjell në shkolla listën e ushqimeve që duhet t’i japim fëmijëve. Po ju them se atë listë se zbatoj dot për fëmijët e mi. Imagjinoni se çfarë tallje për fëmijët, kur Save the Children tregoi se kujdesi për fëmijët në Shqipëri është më i ulët se sa në Kosovë, pa e krahasuar me vendet e tjera.

Problemi është se djersa dhe mundi juaj, taksat tuaja, vidhen nga narkopolitikanë. Këtu e dënuan kryetarin e Bashkisë për 2 mln euro, dhe mirë ia bën, por për ministrat e Ramës nuk janë më shumë se kafja e mëngjesit. Zinxhiri i vjedhjeve të tyre s’ka fund. Një javë më parë rritej tenderi i Unazës në 25 mln euro, ndërkohë që tuneli i Kërrabës është ndërtuar me 15 mln euro km. Tani na del muzeu sekret i ndrikull Piramidës. Na qenka Bërzhit një muze 6 mln euro për ushtrinë, një garë e çmendur, e shfrenuar se si të vjedhin. Ku është djegësi i Fierit?! Plehrat i dogjën duke helmuar qytetarët e Fierit dhe të Myzeqesë. Ku është djegësi i Tiranës. Mafia e plehut ika shtuar ato për t’u pasuruar në kurriz tuajin. Sa është sot borxhi? Borxhi me votimin e 720 mln shkon rreth 100%. Çatia mund të na bjerë mbi kokë. Borxhi si për individin dhe shtetin është një lloj. E merr të mbjell një kopsht, të ndërtojë diçka dhe me mënyrë që ti nxjerrë dhe të paguajë borxhliun. Kurse me qeverinë është; atë e merr qeveria dhe e paguani ju. Ato i paguani ju me tatime e taksa. Nga viti 2006 e deri në 2013-ën, borxhi publik u rrit me 4 %. Po çfarë u bë me këto para? U dyfishuan rrogat, pensionet, u ndërtuan 11 mijë e 300 km rrugë, shkolla dhe kanalizime, impiante të përpunimit të ujërave të zeza. Shqipëria u bë krejt tjtër nga Kakavija në Han të Hotit, rrugë të reja. Çfarë është bërë me borxhin që është rritur 100% sot?! Janë ndërtuar 34 km autostrada dhe janë hedhur pllaka në mes të qytetit, janë vjedhur, vjedhur dhe vetëm vjedhur,” tha Sali Berisha duke mos harruar dhe aktin e turpshëm që së fundi e bëri opozita.

Ç’ndodhi tani në fund?

“Në mënyrën më të pabesueshme bashkëfajtore në borxh ish-kreu i PD-së, apo kryetari pa parti, bëri edhe Partinë Demokratike. A mund të imagjinoni ju që një opozitë e vërtetë t’i lejojë vetes të abstenojë, madje në komisione të parlamentit të votojë dhe pro një borxhi 175 mln euro, më i madhi i marr ndonjëherë. Këta ministra dhe kryeministër, vjedhin edhe duke fjetur në gjumë gjithë natën. Kanë ndërtuar mekanizma. Opozita s’mund të votonte kurrë një borxh të tillë. Ne në 2015-ën ne braktisëm parlamentin nga borxhi që morri Rama, pasi e kishim vetëdije se ai do të vidhej.

Të dashur demokratë, ku jemi ne sot pas 8 vitesh?! Ne ecëm pa ndalur, deri në 2013-ën, por arritëm edhe një arritje tjetër ndofta nga më të jashtëzakonshmet, ku kaluam nga vendi me të ardhura të ulëta, në të larta. Sot 500 mijë shqiptarë janë larguar nga vendi. Kjo është politika antishqiptare të spastrimit etnik,” tha lideri historik i PD duke konstatuar se në këto zhvillime opozita shqiptare ishte e paqenë.

“Ajo nuk ndaloi dot në asnjë rekord të zi që shënoi qeveri anë këto 8 vite. Nuk sosi dot asnjë veprim të ndërmarrë dhe dështoi total. Një zonjë e nderuar me thotë për Ish-Kryetarin Basha: ‘Në këto 8 vite nuk ndeze asnjë shpresë, përkundrazi shove shumë shpresa gjatë këtyre viteve. Më duhet të thënë se si njeri i fikur që je, s’mund të ndezësh as një shprese as te vetja jote,’ dhe kjo është e vërtetë. Ish-Kryetari apo Kryetari pa parti eci 8 vite nga disfata në disfatë. Pas 8 vitesh ne si demokratë dolëm sipas numërimit që bëri Rama dhe grabitjes së votave me 71 mijë vota më pak. Ndërkohë që ju keni punuar me vetëmohim. Problemi është se në fakt kryetari pa parti e shndërroj këtë parti në shoqatë, për të dhe jo për ju. Deklaroi në 26 prill masakrën elektorale. Ajo ishte e vërtetë se mohoi. S’them se i kemi fituar zgjedhjet, por një gjë është e sigurt se Rama si ka fituar zgjedhjet. Sepse s’mund të quhet kurrë fitore.”, tha Berisha.

I pashmangshëm në këtë “Foltore” ishte dhe vendimi i kryetarit të PD, Lulzim Basha, për shpalljen e zgjedhjeve në FRPD. Për liderin historik Sali Berisha ky është një akt i turpshëm dhe stalinist. Duke u shprehur kundër zgjedhjeve në Forumin Rinor të Partisë Demokratike, Berisha bëri thirrje që PD të rivendoset në shinat e lirisë.

“Ka vendosur pa pyet udhëheqjen e rinisë demokratike me kokë të tij, krijimin e një komisioni për të bërë zgjedhjet në forumin rinor. Një akt stalinist dhe i turpshëm. Të rinjtë te ne dhe gratë nuk janë leva të partisë, por me ta ndajmë të njëjtat principe dhe qëllime. Kanë vendin e tyre dhe pavarësinë e tyre. në këtë formë që ka vepruar kryetari pa parti, s’ka vepruar një njeri i vetëm. Ju bëj thirrje të rinjve, që të marrim dorë në këtë foltore siç po e marrin çdo ditë e më shumë. Kjo foltore, është para së gjithash për të futur PD në shinat e lirisë.

Kjo synon të vendosim rregulla demokratike brenda nesh. Të vendosim vullnetin tuaj, votën tuaj, vendimin tuaj si themel të veprimtarisë së PD. Ndaj dhe kjo foltore nuk drejtohet kurrë ndaj demokratëve që mendojnë ndryshe nga ne. Nuk drejtohet ndaj partnerëve tanë. Kjo Foltore është një përpjekje e re e madhe e djemve dhe vajzave me ideale të larta konservatore, për të shpëtuar opozitën shqiptare nga rrënimi i saj, nga një agresion i madh i marrë nga Edi Rama. Asgjë nuk do të më mund të më mposhte mua nga e vërteta që më është mohuar. Mbrojtja e identitetit tim është personale. Unë jam njeriu më i votuar i këtij vendi dhe unë padyshim që mbroja edhe në emër të të gjithë atyre që më kishin besuar mua. Unë jam përpjekur të ruaj dinjitetin e tyre. Ditën që kam dhënë dorëheqjen më 26 qershor të 2013 kam deklaruar se këtë e bëj për dinjitetin tim dhe tuajin se ashtu besoja unë. Nuk ka dyshim dhe kam kënaqësi të them se në rrafshin politik kjo betejë është një sukses sepse as në Evropë nuk gjen djem e gra që t’i u thua unë kam prova, por nuk i them. Këtë nuk e përtyp njeri dhe ju garantoj që kjo po del e qartë në dritën e diellit.”

Në fund, lideri historik i Partisë Demokratike i bëri thirrje qytetarëve të ndershëm, demokratëve dhe demokrateve që të bashkohen:

“Të ngrihemi fuqishëm si opozitë e vërtetë për të rrëzuar këtë regjim me bindjen e thellë se Edi Rama me kontrollin që i bën votave nuk ikën me vota. Historia na bën të votojmë me duart tona, këmbët tona, protestat tona. Ftoj delegatët të na bashkohen më 11 dhjetor, në Kuvendin e ringritjes së PD. Thirrja ime nga Lushnja, është që të rrojë pluralizmi, demokracia dhe Shqipëria. Më shumë mund të kishim bërë për Lushnjën, por rrugën nga Divjaka për në Kolonjë, jemi përpjekur të vetëdijshëm se sa e rëndësishëm në prodhime është ky rreth. Sigurisht që kishte nevojë shumë më tepër, e këto do i kemi parasysh.Lushnja do të jetë një prefekturë. Lushnja e ka të gjithë peshën e plotë për të qenë një prefekturë krenare e këtij vendi,” tha lideri historik i Partisë Demokratike, Sali Berisha, duke përfunduar

“Ndryshimin do e bëj vota e lirë. Nuk ngremë krye ne si opozitë, duhet të ecim të sigurt rrugës së fitores!”