Holanda ndryshoi qëndrim për Shqipërinë, Rutte: Arsye gjeopolitike dhe gjeostrategjike!

Përkundër retorikës së Kryeministrit Edi Rama mbi kushtet që ka plotësuar Shqipëria dhe lajmit të mirë pas takimit me Kryeministrin holandez Mark Rutte në Tiranë, se Holanda është pro mbajtjes së konferencës së parë ndërqeveritare për integrimin, homologu i tij Rutte ishte më i qartë kur sqaroi pse vendi i tij kishte ndryshuar qëndrim ndaj Shqipërisë, arsyet janë gjeopolitike dhe gjeostrategjike; Sepse thjeshtë, të tjerë mund të kenë influencë në këtë rajon, mund të përfitojmë gjë që ata nuk e duan.

“Të gjitha vizitat e miqve dhe partnerëve tanë në Tiranë janë momente të veçanta, por pa ekzagjerim do të thoja se ky është një moment i veçantë. Pasi jemi këtu pas një kohe të gjatë ku unë pata nderin të isha në zyrën e tij në Hagë, ku u mikrpita si të isha në shtëpinë time. Iu desh që të fitonte katër palë zgjedhje që të vinte në Shqipëri. Është kënaqësi, pasi përveçse se është këtu, ndodh në një moment pozitiv në marrëdhëniet tona, mes Shqipërisë dhe Mbretërisë së Holandës, kur siç e dini Holanda e ka mbështetur hapur hedhjen e hapit të mëtejshëm për Shqipërinë dhe thirrjen e konferencës së parë ndërqeveritare. Kjo marrëdhënie shkon përtej procesit tonë të integrimit. Kremtuam 50 vite marrëdhënie diplomatike me Holandën. Kemi vazhdimësi marrëdhënie pune pozitive dhe impakti i Holandës në Shqipëri rritet vit pas viti, nga një anë përmes projekteve dhe mbështetjes që marrin për to. Kemi folur me kryeministrin për bashkëpunimin për sigurinë, krimit të organizuar dhe jemi të bindur se progresin i bërë do të rritet, si pasojë e rritjes së kapaciteteve të vëna në dispozicion për këtë bashkëpunim. Kemi folur dhe për mundësinë që Holanda të mbështesë një përafrim të universiteteve tona me ato europiane. Kemi folur për një qasje më të hapur ndaj të rinjve në zonat rurale për t’i përfshirë në programe të mëtejshme ,” tha Edi Rama duke mbjatur fjalim si në ato landfillet e tij elektorale duke përfunduar:

“Kemi folur edhe për momentin ku jemi e dimë se Franca, Holanda, Gjermania, e të gjithë janë gati të ulen me Shqipërinë e Maqedoninë e Veriut, por duhet zgjidhur ngërçi i krijuar nga veto bullgare. E falënderoj mikun tim Mark për komunikimin e tij personal me palën bullgare. Kënaqësi dhe duket edhe nga sa mundëm deri tani ta shprehim mikpritjen me mirëseardhjen. Ky është një vend që ka shumë ndjekës e tifozë të kombëtares holandeze dhe që sot janë shumë të lumtur që kanë flamurin e Holandës të varur kudo. Duket se e fituat kupën e Botës këtu në Tiranë të paktën.”

Në konferencën e përbashkët për mediat kryeministri i Holandës, Mark Rutte iu përgjigj interesit të gazetarëve lidhur me reformat që ka ndërmarrë Shqipëria për të luftuar krimin e organizuar, që nuk e bëri në tre vitet e shkuara e që u bë shkak për vendosjen e vetos për Shqipërinë.

“Kemi një marrëdhënie shumë të ngushtë bashkëpunimi në këto dy vjet në fushën e drejtësisë për përmirësimin e rritjen e mëtejshme të bashkëpunimit, por edhe fakti i të qenit rigoroz e të drejtë. Të gjitha ne duhet të bëjmë shumë edhe vendi im, edhe Shqipërisë do i duhet të bëjë më shumë progesi ka qene i madh që e beri të mundur të themi PO është edhe çështje e sundimit të ligjit ekonomisë, krimit të organizuar dhe si bashkëpunojmë së bashku.

Ne duam që ky rajon të ketë perspektivë në BE për shumë arsye sepse jemi miq, sepse jemi fqinj por edhe sepse të tjerë mund të kenë influencë në këtë rajon, mund të përfitojmë gjë që ne nuk e duam. Pra ka arsye gjeopolitike dhe gjeostrategjike për ta bërë një gjë të tillë, ” e tha troç Kryeministri holandez Rutte.