Kuvendi Kombëtar, Paloka propozon: Dy përfaqësues të palëve të verifikojnë 4.200 firmat

Deri sa debati vazhdon rreth 4.200 firmave që kërkojnë Kuvendin e jashtëzakonshëm Kombëtar të PD dhe ato janë në zyrën e Kryetarit të Këshillit Kombëtar, Edi Paloka, ndërkohë Sekretari i Përgjithshëm, Gazment Bardhi, kërkon që ato të dorëzohen në protokoll, meqë Statuti nuk përcakton një procedurë sot Paloka vjen me propozimin që të dy palët të përcaktojnë nga një përfaqësues dhe të bëjnë verifikimin e 4.200 firmave për të thirrur Kuvendin.

“I kam propozuar palëve një zgjidhje që kishte shteruese që të hiqte çdo dyshim që ka midis palëve që ne jemi në këtë situatë , statuti nuk parashikon asgjë dhe palët s’kanë besim. Palët të caktojnë nga një person që merren me problemet me zgjidhjet, si për shembull mund të jetë, Ivi Kaso, sekretar i zgjedhjeve në PD dhe sekretari organizativ, Ervin Minarolli. Palët të ulen dhe të heqin këto hijet e dyshimit dhe ta çojmë procesin përpara. Palët të caktojnë njerëzit e tyre të besuar, le ti përcaktojnë vetë, që t’i verifikojnë me telefon si të duan ata për 4 mijë e 200 firmave që janë zyrtarisht në zyrën time të ecim me këtë proces të lëmë sulmet që dëmtojnë PD,” tha Edi Paloka duke bërë propozimin meqë gjendet në këtë pozicion mes dy palëve ndërsa përfundon:

“Nëse palët nuk duan zgjidhje më duket një propozim mjaft i arsyeshëm për të eliminuar hijet e besimit. Le të vijnë të ulen përfaqësuesit t’i verifikojnë firmat por nëse thonë që nuk duan atëherë është një tjetër gjë kjo. Ky është propozimi që e kam diskutuar me dy palët dhe ta bëj edhe sot në kryesi si propozim, do të diskutohet. Që të dy palët të caktojnë nga një person të besueshëm. Është detyrim që të mblidhet Kuvendi.”

Ndryshe, pas situatës së krijuar politike nga “Foltorja” me lëvizjen e saj dhe zhvillimet në jetën parlamentare përballë regjimit të Edi Ramës, me qëllim të mbrojtjes së interesit të Partisë Demokratike, sot në orën 16:00, Kryesia e PD pritet të mbajë një mbledhje me vetën një Pikë të Rendit të Ditës:

1.Diskutime dhe vendimmarrje mbi situatën politike, si dhe marrjen e masave për të mbrojtur interesin e Partisë Demokratike dhe funksionimin demokratik të organeve të saj!