Informacion për “BERISHA NON GRATA”, Kongresmeni Zeldin: Sekretar Blinken, kanë kaluar 5 muaj, pres përgjigje!

Impianti propagandistik i Edi Ramës të cilin tashmë po e përdor, për fat të keq, edhe një pjesë e opozitës sot u përballë me një Letër e cila konfirmon se Kongresmeni Lee Zeldin jo që nuk kishte marrë dëshmi mbi shpalljen e Ish-Presidenti Sali Berisha NON GRATA nga Sekretari i Shtetit, Antony Blinken, por ai vazhdon ti kërkoj informacione lidhur me këtë çështje edhe sot pas 5 muajve.

Anëtari i Komisionit të Punëve të Jashtme të Dhomës së Përfaqësuesve, Kongresmeni Lee Zeldin, sërish i dërgoi një letër Sekretarit të Shtetit, Antony Blinken, në vazhdim të kërkesave të përsëritura për të diskutuar dhe rishikuar informacionin që flet për ‘korrupsion të rëndësishëm’ lidhur me procesin që Departamenti i Shtetit përdori për të sanksionuar Berishën.

Në një seancë dëgjimore të Komisionit të Punëve të Jashtme të Dhomës së Përfaqësuesve që u zhvillua në muajin qershor, Kongresmeni Zeldin pyeti Sekretarin Blinken në lidhje me sanksionimin nga Administrata Biden të Ish-Presidentit Sali Berisha, siç tha Kongresmeni, një aleat i dy presidentëve Bush dhe kundërshtar i donatorit kryesor të Partisë Demokratike dhe aktivistit progresist, George Soros.

Po në këtë ditë kur u zhvillua seanca dëgjimore, Kongresmeni Zeldin iu drejua përmes një letre Departamentit të Shtetit duke kërkuar informacion në lidhje me vendimin për sanksionimin e Berishës.

Pasi mori një përgjigje të paqartë nga Departamenti i Shtetit, Kongresmeni Zeldin dërgoi një tjetër letër më 27 gusht, duke kërkuar një përgjigje me shkrim dhe takim me zyrtarin përkatës të Departamentit të Shtetit për të shqyrtuar kriteret, informacionin dhe procesin që administrata përdori për të përcaktuar nëse do kishte apo jo sanksione ndaj Berishës.

Kjo letër ka mbetur pa përgjigje nga Departamenti i Shtetit, dhe me 24 Nëntor ai sërsih iu drejtua Sekretarit të Shtetit Blinken.

Ja dhe letra e plotë e 24 Nëntorit 2021:

Letra e plotë:

Po ju shkruaj sot në vazhdim të letrës time të datës 27 gusht 2021, duke kërkuar një përgjigje me shkrim dhe takim me zyrtarin e duhur të Departamentit të Shtetit për të diskutuar në thellësi dhe për të shqyrtuar informacionin që përshkruan “korrupsionin domethënëse” në lidhje me procesin që Departamenti i Shtetit ka përdorur për të sanksionuar Sali Berishën.

Kanë kaluar pesë muaj që kur kam bërë kërkesën time origjinale, e cila është në thelb më shumë se koha e mjaftueshme për t’u përgjigjur në mënyrë adekuate. Kjo është kërkesa ime e tretë për informacion shtesë që kur kam ngritur çështjen e sanksionimit të Sali Berishës gjatë seancës dëgjimore me Sekretarin Blinken në Komisionin e Punëve të Jashtme të Dhomës së Përfaqësuesve më 7 qershor 2021.

Kongresi luan një rol të jashtëzakonshëm mbikëqyrës për degën ekzekutive, duke përfshirë Departamentin e Shtetit, megjithatë zyra ime ka marrë në mënyrë alarmuese pak detaje në përgjigje të pyetjeve të mia. Është e papranueshme dhe e dyshimtë që Departamenti  i Shtetit nuk e ka përmbushur mjaftueshëm këtë kërkesë për informacion shtesë në kohën e duhur dhe në vend të kësaj ka zgjedhur të ngadalësojë një kërkesë të Kongresit për transparencë.

Duke pasur parasysh peshën e vendimit tuaj, ju kërkoj që t’i kushtoni kësaj çështjeje vëmendjen që meriton dhe pres përgjigjen tuaj të menjëhershme.