Moti i keq, OSHEE: Përmirësohet situata në 80% të vendit, problem Dibra dhe Vlora

Moti i keq, shoqëruar me reshje shiu, stuhi ere dhe dëbore ka sjellë pasoja në rrjetin elektrik. OSHEE raporton se deri më tani janë shfaqur afro 95 defekte në zonat e thella, ku me rënien e dendur e dëborës dhe shpejtësia e erës deri në 150 km, ka shkaktuar defekte në linjat e tensionit të mesëm e të ulët.

Nga raportimi i orës 12:00 rezulton, sipas OSHEE, se situata është përmirësuar në të gjithë vendin, në masën 80%.

Problem mbeten rajoni i Dibrës, ku në disa zona dëbora arrin deri në 60 cm dhe Vlora prej stuhisë me erë të fortë.

Njoftim!

Moti i keq, shoqëruar me reshje shiu, stuhi ere dhe bore, ka sjellë pasoja në rrjetin elektrik, sidomos gjatë natës, duke u gdhirë dita e sotme.

Probleme janë shfaqur në zonat rurale, të cilat furnizohen me rrjet ajror dhe gjatësi dhjetëra kilometra.

Afro 95 përqind e defekteve janë shfaqur në fshatra, zona të thella, ku me rënien e borës dhe shpejtësinë e erës deri në 150 km, kanë sjellë defekte në linjat e tensionit të mesëm dhe të ulet.

Nga raportimi i orës 12:00 rezulton se kemi përmirësim në të gjitha rajonet e vendit, në masën 80% dhe rikuperim të defekteve brenda 2 orësh me normalizmin e motit.

Problem mbeten rajoni i Dibrës ku në disa zona bora arrin 60 cm dhe në Vlorë prej stuhisë me erë të fortë, etj.

Brigadat e OSSH ndodhen në gatishmëri të plotë prej më shumë se 3 ditësh, dhe puna është organizuar duke përforcuar zonat e caktuara me stafe shtesë dhe bazë materiale.