9 Dhjetori, Basha: Është koha për përballjen me korrupsionin dhe të korruptuarit!
Korrupsioni varfëron qytetarët, dëmton demokracinë, shpopullon vendin dhe vret besimin tek e ardhmja, vlerëson Kryetari i PD, Lulzim Basha, sot në 9 Dhjetor, Ditën Ndërkombëtare Kundër Korrupsionit, duke konsttauar se korrupsioni është arsyeja pse fatkeqësisht Shqipëria renditet gjithmonë e më shumë e fundit për gjërat që ua lehtësojnë jetën shqiptarëve dhe e para për ato që ua bëjnë të pamundur atë.
“Përballë kapjes së shtetit nga paligjshmëria dhe pandershmëria, është koha për një angazhim dhe mobilizim të të gjithë shoqërisë për të ecur me vendosmëri përpara në përballjen me korrupsionin dhe të korruptuarit për pastrimin e politikës nga abuzuesit dhe njerëzit e lidhur me krimin dhe korrupsionin,” thekson Lulzim Basha në mesazhin e tij përmes rrjetit social Twitter duke shprehur gatishmërinë për një politikë të pastër në shërbim të familjeve shqiptare dhe mirëqenies së tyre.
Mesazhi:
Arsyeja pse fatkeqësisht Shqipëria renditet gjithmonë e më shumë e fundit për gjërat që ua lehtësojnë jetën shqiptarëve dhe e para për ato që ua bëjnë të pamundur atë, është korrupsioni.
Është korrupsioni që varfëron qytetarët, që dëmton demokracinë, që shpopullon vendin, që vret besimin tek e ardhmja.
Ndaj këtë 9 Dhjetor, Ditën Ndërkombëtare Kundër Korrupsionit, përballë kapjes së shtetit nga paligjshmëria dhe pandershmëria, është koha për një angazhim dhe mobilizim të të gjithë shoqërisë për të ecur me vendosmëri përpara në përballjen me korrupsionin dhe të korruptuarit për pastrimin e politikës nga abuzuesit dhe njerëzit e lidhur me krimin dhe korrupsionin, për një politikë të pastër në shërbim të familjeve shqiptare dhe mirëqenies së tyre.
