Seanca plenare, militanti i PS Denar Biba, zgjidhet Kryetar i Autoritetit Konkurrencës
Me 72 vota për dhe 37 kundër, sot militanti i Partisë Socialiste Denar Biba u zgjodh Kryetar i Autoritetit të Konkurrencës.
Kështu Denar Biba për shërbimin që i bëri partisë së Edi Ramës u shpërblye me kë të post me mandat 5 vjeçar. Ai zëvendëson Kryetaren e Autoritetit të Konkurrencës, Juliana Latifi, e cila nuk ka bërë asgjë më shumë se sa Denar Biba në KQZ, i ka shërbyer vetëm Partisë Socialiste ndonëse bëhet fjalë për institucion të pavarur.
Ndryshe, kandidatura e militantit të PS, Denar Biba u kundështuar edhe në seancë plenare nga Partia Demokratike ku Nënrkyetarja Jorida Tabaku, e cilësoi si të papërshtatshëm pasi rezulton një person që ka shkuar deri në Strasburg dhe u ka bërë shantazh gjyqtarëve lidhur me ligjin e pronave të Shqipërisë.
“Dua të ndalem në dy momente kryesore. Autoriteti i Konkurrencës është institucioni kryesor për mbrojtjen e konkurrencës në treg. Ky institucion ka dështuar. Ne në komision presim kryetaren e Autoritetit të konkurrencës dhe sot e dy muaj është ende e infektuar me koronavirus. Nuk kemi asnjë vendim në të mirë të qytetarëve për rritjen e çmimeve të ushqimit. Në rolin e këtij institucioni, sot në Ditën e Luftës kundër Korrupsionit, Kuvendi do të miratojë zotin Denar Bibën.
Unë nuk e njoh fare zotin Denar Biba dhe nuk e kam takuar asnjëherë. Por unë di pozicionin e tij që shkoi në Strasburg për t’i bërë shantazh gjykatësve për të mbrojtur ligjin antikushtetues të pronave në Shqipëri. Di raportet ndërkombëtare të BE, Gjykatës së Auditit, Departamentit të Shtetit që sot sektori më i korruptuar ai i Prokurimeve Publike. Atij i kanë kërkuar të bëjë diçka dhe ai e ka bërë. Sot qeveria po i var mëlçitë në qafë ujkut,” tha Jorida Tabaku.
