Arrestohet Lefter Koka, Yuri Kim: Mund të vraponi por nuk mund t’i fshiheni më ligjit!
Pas arrestimit nga SPAK të Ish-Ministrit të Mjedisit, Lefter Koka, ka reaguar Ambasadorja e SHBA në Tiranë, Yuri Kim, duke përsëritur se askush nuk është mbi ligjin ndërsa keqbërësve u bëri të qartë se mund të vrapojnë por nuk mund t’i fshiheni më ligjit!
“Veprimet e SPAK, sidomos këtë javë, tregojnë se askush nuk është mbi ligjin. Mund të vraponi por nuk mund t’i fshiheni më ligjit,” tha në reagimin e saj përmes rrjetit social Twitter, Ambasadorja amerikane në Shqipëri, Yuri Kim, duke përfunduar:
“Reforma në drejtësi po jep rezultate konkrete!”
Ndryshe, Ish-Ministri i Mjedisit, Lefter Koka u arrestua nga SPAK pas hetimit për çështjen e inceneratorëve, dhe sot ai akuzohet për shpërdorim detyre, korrupsion dhe pastrim parash.
