Edi Rama dhe Lulzim Basha informohen nga Beogradi: Plani i Berishës, Haradinajt dhe Kurtit
Sot nuk është vetëm dita kur pritet të vijë Presidenti i Serbisë, Aleksandar Vuçiç në Tiranë dhe Ish-Presidenti, Sali Berisha organizon protestë kombëtare kundër kësaj vizite, por dhe dita pse “Open Balkan” po realizohet me bekimin e Kryeministrit Edi Rama dhe mbështetet nga Kryetari i shkarkuar i PD, Lulzim Basha.
Shqiptarët sot u gdhinë me bomdbardimin mediatik të mediave nën kontrollin e Edi Ramës dhe Lulzim Bashës, që duke ju referuar mediave serbe, paralajmërojnë protesta kundër Vuçiçit me ekstremistë shqiptarë të Berishës, Haradinajt dhe Kurtit!
Po çfarë paralajmërojnë këto “media serbe” dje që kanë ekzaltuar sot si shtypin kryesor të ditës në Tiranë ashtu dhe televizionet kombëtare.
Nuk bëhet fjalë për media serbe por për një gazetë serbe “Novosti”, e cila përmes artikullit “Plani i Berishës, Haradinajt dhe Kurtit: Në Tiranë për Vuçiçin po përgatiten protesta të ekstremistëve nga Kosova” thekson se ekstremistët shqiptarë me ndihmën e madhe të politikanëve nga Kosova po përgatitin protesta për të hënën dhe të martën kundër presidentit të Serbisë, Aleksandar Vuçiç, i cili do të qëndroj gjatë këtyre ditëve në Tiranë në kuadër të nismës “Ballkani i Hapur”.
“Sipas burimeve tona, organizatorët e demonstratave janë Sait Dollapi, Ish-Sekretari Organizativ i PD dhe Agron Kuliçaj dhe Sali Lushaj, njerëzit më të besueshëm të Ish-Presidentit dhe Kryeministrit Sali Berisha. Bashkëpunëtorët tonë të mirëinformuar theksojnë se Berisha ka kontaktuar personalisht Ramush Haradinajn që për këtë protestë të siguroj të paktën 100 persona nga Kosova,” thekson e përditshmja serbe “Novosti” duke shtuar se për kë qëllim në Kosovë kanë shkuar Lushaj dhe Dollapi, operacion i cili sipas gazetës serbe mbështetet nga kryeministri aktual Albin Kurti.
Për të kuptuar se me çfarë arme mediatike e luftojnë Sali Berishën, Edi Rama dhe Lulzim Basha, po ju sjellim në origjinal artikullin e të përditshmes së Beogradit “Novosti”, si dhe për të kuptuar se me çfarë terma janë dakord Rama dhe Basha kur i referohen një gazete serbe për të cilën Kosova është “krahinë jugore serbe” dhe Albin Kurti “kryeministër aktual i institucioneve të përkohshme në Prishtinë”.
Ja dhe shkrimi i plotë i gazetës së Beogradit “Novosti”:
Plani i Berishës, Haradinajt dhe Kurtit: Në Tiranë për Vuçiçin po përgatiten protesta të ekstremistëve nga Kosova
Ekstremistët shqiptarë me ndihmën e madhe të politikanëve nga Kosova po përgatitin protesta për të hënën dhe të martën kundër presidentit të Serbisë, Aleksandar Vuçiç, i cili do të qëndroj gjatë këtyre ditëve në Tiranë në kuadër të nismës “Ballkani i Hapur”.
Sipas burimeve tona, organizatorët e demonstratave janë Sait Dollapi, Ish-Sekretari Organizativ i PD dhe Agron Kuliçaj dhe Sali Lushaj, njerëzit më të besueshëm të Ish-Presidentit dhe Kryeministrit Sali Berisha.
Bashkëpunëtorët tonë të mirëinformuar theksojnë se Berisha ka kontaktuar personalisht Ramush Haradinajn që për këtë protestë të siguroj të paktën 100 persona nga Kosova.
Për këtë arsye, në krahinën jugore serbe kanë shkuar Lushaj dhe Dollapi që të organizojnë ardhjen e ekstremistëve nesër dhe pasnesër në Tiranë, e këtë operacion e mbështesin edhe kryeministri aktual i institucioneve të përkohshme në Prishtinë, Albin Kurti.
Pritet që hyrja do të bëhet në mënyrë të organizuar përmes Morinës, Malit Zi dhe Maqedonisë së Veriut në mënyrë që policia mos ti kthej.
Kujtojmë, ekstremistët shqiptarë kundër presidentit Vuçiç kanë protestuar edhe në vitin 2019, kur ishte për vizitë në Tiranë për tu dakorduar me Edi Ramën lidhur me nismën “Ballkani i Hapur”.
