Vendimi/ Për biznesin e vogël, shtyhen gjobat për fiskalizimin deri në 30 qershor

Deri në 30 qershor 2022, bizneset e vogla që nuk zbatuar ligjin e Fiskalizimit nuk do të gjobiten. Lajmin për shtyrjen e afatit e ka bërë të ditur ministrja e Financave, Delina Ibrahimaj, duke saktësuar se vendimi është marrë në mbledhjen e fundit të Këshillit të Ministrave, pasi afati i përcaktuar ishte 31 dhjetor 2021.

“Deri në datë 30 Qershor 2022 nuk do të aplikohen penalitete që rrjedhin nga zbatimi i ligjit të Fiskalizimit sipas vendimit të marrë në mbledhjen e fundit të Këshillit të Ministrave, për disa kategori tatimpaguesish,” thekson ministrja e Financave, Delina Ibrahimaj, përmes rrjeti social Facebook duke saktësuar:

“Tatimpaguesit e regjistruar me përgjegjësinë tatimore të tatimit të thjeshtuar mbi fitimin për biznesin e vogël dhe që nuk janë të regjistruar për TVSH-në, të cilët kryejnë vetëm shitje me para në dorë kundrejt konsumatorëve finalë, persona të patatueshëm;

Qëllimi ynë është dhënia e kohës së mjaftueshme për bizneset që të ngrenë, të përshtasin dhe të familjarizohen me lehtësi e sa më mirë me procesin e ri të fiskalizimit

Qasja jonë do të vijojë të jetë edukuese dhe këshilluese, me qëllim rritjen e efektivitetit të procesit, zbatimin e plotë dhe raportimin në kohë reale”.

Ndryshe, ky vendim i Këshillit të Ministrave vjen teksa deri në fund të këtij viti vetëm gjysma e 120 mijë bizneseve kanë zbatuar ligjin e Fiskalizimit.